തിരുവനന്തപുരം: സംസ്ഥാനത്ത് മാതൃകാ പെരുമാറ്റചട്ടം പിന്വലിച്ചതായി സംസ്ഥാന തിരഞ്ഞെടുപ്പ് കമ്മീഷണര് എ ഷാജഹാന് അറിയിച്ചു. എന്നാല് സ്ഥാനാര്ത്ഥികളുടെ നിര്യാണത്തെത്തുടര്ന്ന് മൂന്ന് വാര്ഡുകളില് പ്രത്യേക തിരഞ്ഞെടുപ്പ് നടക്കാനുള്ളതിനാല് മലപ്പുറം ജില്ലയിലെ മൂത്തേടം, എറണാകുളം പാമ്പാക്കുട എന്നീ ഗ്രാമപഞ്ചായത്തുകളില് പൂര്ണമായും തിരുവനന്തപുരം കോര്പ്പറേഷനിലെ വിഴിഞ്ഞം വാര്ഡില് മാത്രമായും തിരഞ്ഞെടുപ്പ് പൂര്ത്തിയാകുന്നത് വരെ മാതൃകാപെരുമാറ്റചട്ടം നിലനില്ക്കുന്നതായിരിക്കും.
തദ്ദേശ പൊതുതിരഞ്ഞെടുപ്പ് പ്രഖ്യാപിച്ചതിനെ തുടര്ന്ന് നവംബര് 10 മുതലായിരുന്നു മാതൃകാ പെരുമാറ്റച്ചട്ടം സംസ്ഥാനത്തെ എല്ലാ തദ്ദേശസ്ഥാപനങ്ങളിലും നിലവില് വന്നത്.
