കലാരഞ്ജിനി, കല്പന, ഉര്വശി എന്നിങ്ങനെ മലയാള സിനിമയിലെ മൂന്ന് താരസഹോദരിമാരും പ്രേക്ഷകരുടെ പ്രിയപ്പെട്ടവരാണ്. ഇപ്പോഴിതാ ദിലീപുമായി തനിക്കുള്ള ബന്ധത്തെ പറ്റി കലാരഞ്ജിനി പറയുന്ന വാക്കുകളാണ് വൈറലാകുന്നത് .
‘ ആദ്യം അച്ഛന് പിന്നെ അനിയന്, ചിറ്റപ്പന്, മിനിമോള്… അതെല്ലാം നഷ്ടങ്ങള് തന്നെയാണ്. മിനിമോളുടെ മരണം എല്ലാവരുടെയും നഷ്ടമാണ്. ആ നഷ്ടങ്ങള് നമുക്ക് ഒരിക്കലും മറക്കാന് പറ്റില്ല. അപ്പോഴൊക്കെ സഹപ്രവര്ത്തകര് ഞങ്ങളെ ചേര്ത്ത് പിടിച്ചു. അതൊരു ആശ്വാസമായിരുന്നു.
കൊച്ചി രാജാവില് അഭിനയിച്ചു കൊണ്ടിരിക്കുമ്പോഴാണ് ഞങ്ങളുടെ ചിറ്റപ്പന് ഗുരുതരാവസ്ഥയില് ആശുപത്രിയില് ആവുന്നത്. ഇത് കേട്ട ഉടനെ ദിലീപും മുരളി ചേട്ടനും സഹകരിച്ച് ഞാന് അഭിനയിക്കാനുള്ള സീനുകള് എല്ലാം വേഗം തീര്ത്തു തന്നു.
പോവാന് ഇറങ്ങുമ്പോള് എന്റെ പ്രതിഫലം മുഴുവനുമായി ദിലീപ് വാങ്ങി തന്നു. എന്നിട്ട് പറഞ്ഞു, ‘ ചേച്ചി വേറൊന്നും ഇപ്പോള് നോക്കണ്ട. ആദ്യം ആശുപത്രിയിലെ കാര്യം നോക്കൂ’ എന്ന്. അന്ന് ദിലീപ് ചെയ്ത് തന്നത് ഒരിക്കലും മറക്കാനാകില്ലെന്നും കലാരഞ്ജിനി പറയുന്നു.
