കൊച്ചി: ശിക്ഷ വിധിക്കുമ്പോള്, അങ്ങേയറ്റം സെന്സേഷണല് കേസ് എന്നത് കോടതി വിധിയെ ബാധിക്കില്ലെന്ന് നടിയെ ആക്രമിച്ച കേസിലെ വിധിന്യായത്തില് സെഷന്സ് കോടതി വ്യക്തമാക്കി. കോടതി വികാരങ്ങള്ക്ക് അടിപ്പെടാനോ പക്ഷപാതപരമായി പെരുമാറാനോ പാടില്ല.
കുറ്റകൃത്യം ഇരയിലും സമൂഹത്തിലും ഉണ്ടാക്കിയ ആഘാതം കോടതി കണക്കിലെടുക്കേണ്ടതുണ്ട്. ശിക്ഷ സന്തുലിതമായിരിക്കണം. കുറ്റകൃത്യത്തിന്റെ ചരിത്രം, പ്രതിയുടെ തിരുത്തപ്പെടാനുള്ള സാധ്യത, ശിക്ഷയുടെ ലക്ഷ്യങ്ങള് എന്നിവയും പരിഗണിക്കണം.
അതേസമയം, പ്രതികളുടെ പ്രവൃത്തി സ്ത്രീയുടെ അന്തസ്സിനെ ചോദ്യം ചെയ്യുന്നതായിരുന്നു എന്ന വസ്തുത കോടതിക്ക് പരിഗണിക്കാതിരിക്കാന് കഴിയില്ല. ഇരയായ സ്ത്രീയുടെ സുരക്ഷിതത്വത്തിനുള്ള അവകാശം ലംഘിക്കപ്പെടുകയും, അവരില് ഭയവും അപമാനവും നിസ്സഹായതയും ഉണ്ടാക്കുകയും ചെയ്തു. ഇത് അവര്ക്ക് മാനസികമായ ആഘാതവും നല്കി.
സ്ത്രീകള്ക്കെതിരായ കുറ്റകൃത്യങ്ങള് അവരുടെ ആത്മാഭിമാനത്തെ മാത്രമല്ല, സമൂഹത്തിന്റെ വികാസത്തെയും ബാധിക്കുന്നു. ലിംഗ നീതിയെക്കുറിച്ച് പൊതുസമൂഹത്തെ ബോധവത്കരിക്കേണ്ടതിന്റെ ആവശ്യകതയും വിധിയില് പരാമര്ശിക്കുന്നുണ്ട്.
