കൊല്ലം ; സംഭാവന പിരിക്കാൻ പാടില്ലെന്ന് മാർക്സ് പറഞ്ഞിട്ടുണ്ടെന്ന് സിപിഎം ജനറൽ സെക്രട്ടറി എം.എ.ബേബി. ‘‘ശരിയായതും തെറ്റായതുമായ പലതും കാൾ മാർക്സ് പറഞ്ഞിട്ടുണ്ട്. സംഭാവന പിരിക്കാൻ പാടില്ലെന്നാണു മാർക്സ് പറഞ്ഞിട്ടുള്ളത്. അക്കാലത്ത് ഇടത്തരം കുടുംബത്തിൽ പിറന്ന മാർക്സിന്റെ ഒരു മനോഭാവമാണത്. പ്രവർത്തനം നടത്താൻ കുറച്ചു പണം വേണമെന്ന് ലാസെല്ലയോട് മാർക്സ് ആവശ്യപ്പെടുകയുണ്ടായി. എന്റെ കയ്യിലുള്ള പണം എല്ലാം അയച്ചു. വേണമെങ്കിൽ ആളുകളിൽ നിന്നു പിരിവെടുത്ത് അയച്ചു തരാമെന്ന് ലാസെല്ല മറുപടി പറഞ്ഞപ്പോഴാണ് ‘നടന്നു തെണ്ടൽ’ വേണ്ടെന്നു മാർക്സ് പറഞ്ഞത്’’–എം.എ.ബേബി പറഞ്ഞു.
അതേസമയം തദ്ദേശസ്വയം ഭരണ തെരഞ്ഞെടുപ്പിലെ വിജയം എന്നും എൽ ഡി എഫിന് അനുകൂലമായിരുന്നുവെന്നും ഇത്തവണയും അങ്ങനെ തന്നെയായിരിക്കുമെന്നും അദ്ദേഹം പറഞ്ഞു . എൽഡിഎഫിന് അനുകൂല ജനവിധി ഉണ്ടാവുമെന്നും ജനങ്ങൾ ജീവിതാനുഭവങ്ങളെ മുൻ നിർത്തിയാണ് വോട്ട് ചെയ്തത് . ജനങ്ങൾ തുടർഭരണം ആഗ്രഹിക്കുന്നു . ഇത് ഇടത് മുന്നണിക്ക് ഗുണം ചെയ്യുമെന്നും, എം എ ബേബി പറഞ്ഞു.
