കൊച്ചി : തദ്ദേശ തെരഞ്ഞെടുപ്പ് കൊട്ടിക്കലാശത്തിനിടെ ലോറിയുടെ ചില്ലകള്‍ അടിച്ചു തകര്‍ക്കുന്ന ദൃശ്യങ്ങള്‍ പുറത്തുവന്നു.മറ്റൂരിലാണ് എംസി റോഡിലൂടെ കടന്നു പോയ ലോറിയുടെ ചില്ലുകള്‍ തകര്‍ത്തത്.
ലോറി ഡ്രൈവറെയും കലാശക്കൊട്ടിനെത്തിയവര്‍ ആക്രമിച്ചു. പൊലീസ് സാന്നിധ്യത്തിലാണ് ആക്രമണം നടന്നത്. പിന്നീട് ലോറി ഡ്രൈവര്‍ വാഹനം ഓടിച്ചു പോകവെ പാര്‍ട്ടി പ്രവര്‍ത്തകര്‍ കൊടികളുമായി പിന്നാലെ ഓടുന്നതും വീഡിയോയില്‍ കാണാം.
ആദ്യഘട്ടമായി ഡിസംബര്‍ ഒന്‍പതിന് വോട്ടെടുപ്പ് നടക്കുന്ന ഏഴു ജില്ലകളിലെ പരസ്യപ്രചാരണമാണ് ഞായറാഴ്ച സമാപിച്ചത്.തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ പരസ്യപ്രചാരണമാണ് അവസാനിച്ചത്.
കലാശക്കൊട്ടില്‍ റോഡ് ഷോകളും ബൈക്ക് റാലികളുമായി മുന്നണികള്‍ നഗര-ഗ്രാമവീഥികളില്‍ നിറഞ്ഞു.
