കൊൽക്കത്ത : പശ്ചിമ ബംഗാളിലെ മുർഷിദാബാദ് ജില്ലയിൽ ശനിയാഴ്ചയാണ് പുതിയ ബാബറി മസ്ജിദിന് തറക്കല്ലിട്ടത് . ഈ വിഷയം രാജ്യവ്യാപകമായി ചർച്ചയ്‌ക്ക് വഴിയൊരുക്കിയിട്ടുണ്ട്. ഇപ്പോൾ ഗ്രേറ്റർ ഹൈദരാബാദിൽ ബാബറി മസ്ജിദിനായി ഒരു സ്മാരകം സ്ഥാപിക്കുമെന്ന് പ്രഖ്യാപിച്ചിരിക്കുകയാണ് തെഹ്രീക് മുസ്ലീം ഷബ്ബാൻ പ്രസിഡന്റ് മുഷ്താഖ് മാലിക് . ബാബറി മസ്ജിദ് വാർഷിക പൊതുയോഗത്തിലാണ് തീരുമാനമെടുത്തതെന്നും മാലിക് പറഞ്ഞു.
ബാബറിന്റെ പേര് കേട്ട് ആരും അസ്വസ്ഥരാകരുതെന്നും, വിഷയം ഒരു “രാഷ്‌ട്രീയ പ്രചാരണം” മാത്രമാണെന്നും മാലിക് കൂട്ടിച്ചേർത്തു. “അയോധ്യയിലെ ബാബറി മസ്ജിദ് നിർമ്മാണത്തിനായി ബാബറിൽ നിന്ന് ഒരു വരുമാനവും ലഭിച്ചതിന് തെളിവുകളൊന്നുമില്ല. ഒരു പ്രാദേശിക വ്യക്തിയുടെ പേര് ബാബർ ആയിരിക്കാൻ സാധ്യതയുണ്ട്. ബാബറിന്റെ ഭരണകാലം വളരെ ഹ്രസ്വമായിരുന്നു.” മാലിക് പറഞ്ഞു.
“ബാബറിനുശേഷം ഹുമയൂണും പിന്നീട് അക്ബറും ഭരണം വന്നതിനുശേഷം. അക്ബറിന്റെ കൊട്ടാരത്തിൽ ആചാരങ്ങളും പ്രാർത്ഥനകളും നടത്തിയിരുന്നു. ജോധാ ബായി അക്ബറിന്റെ കൊട്ടാരത്തിലായിരുന്നു. ആചാരങ്ങളും പ്രാർത്ഥനകളും ഹവനങ്ങളും നടത്തിയിരുന്നു. അക്കാലത്ത് തുളസീദാസും ജീവിച്ചിരിപ്പുണ്ടായിരുന്നു. അക്ബറിന്റെ കാലത്ത് തുളസീദാസിന് അക്ബറുമായി സംസാരിക്കാമായിരുന്നു.രാജ്യത്തെ വിഭജിക്കാനുള്ള രാഷ്‌ട്രീയ പ്രചാരണമാണിത്. ഹിന്ദുക്കൾ, മുസ്ലീങ്ങൾ, സിഖുകാർ, ക്രിസ്ത്യാനികൾ, ദലിതർ എന്നിവർക്കിടയിൽ നിലനിന്നിരുന്ന സാഹോദര്യം ഇത് തകർക്കുകയും വെറുപ്പിന്റെ വിത്തുകൾ വിതയ്‌ക്കുകയും ചെയ്തു‘ മാലിക് പറഞ്ഞു.
