ന്യൂദല്‍ഹി: പുടിന് തന്റെ വിമാനത്തിന് പുറത്തേക്ക് നോക്കുന്നതിന്റെയും പുടിന്റെ വിമാനത്തെ പിന്തുടരുന്ന നാല് യുദ്ധജെറ്റുകളുടെയും വീഡിയോ ഇപ്പോള്‍ വൈറലായി പ്രചരിക്കുകയാണ്. പുടിന് വിദേശരാജ്യങ്ങളിലേക്ക് യാത്ര ചെയ്യുമ്പോള്‍ അദ്ദേഹത്തിന്റെ വിമാനത്തെ നാല് യുദ്ധജെറ്റുകള്‍ എപ്പോഴും അനുഗമിക്കും. എസ് യു-35 എന്ന സുഖോയ് വിമാനശ്രേണിയില്‍പെടുന്ന നാല് ആധുനിക യുദ്ധജെറ്റുകളാണ് പുടിന് എസ്കോര്‍ട്ടായി പിന്നില്‍ പറക്കുക.
വൈറലായി പ്രചരിക്കുന്ന പുടിന്റെ വിദേശവിമാനയാത്രയെ കാണിക്കുന്ന വീഡിയോ:
Putin’s reaction to seeing Russian fighter jets escorting his plane ✈️ pic.twitter.com/dJOnFE8kRa
— Lost Temples™ (@LostTemple7) December 4, 2025
വിമാനപകടങ്ങളില്‍ എത്രയോ നേതാക്കള്‍ കൊല്ലപ്പെട്ടിട്ടുള്ള ചരിത്രമുണ്ട്. വിമാനയാത്രയ്‌ക്കിടയില്‍ ഇറാന്റെ ഇബ്രാഹിം റെയ് സി മരിച്ചത് കൊലപാതകമാണെന്ന് വിശ്വസിക്കപ്പെടുന്നു. അസര്‍ബൈജാനടുത്ത് വെച്ചാണ് അതീവസുരക്ഷയുള്ള ഇറാന്റെ എയര്‍ഫോഴ്സ് വണ്‍ തകര്‍ന്ന് വീണത്. ഫിലിപ്പൈന്‍സ് പ്രസിഡന്‍റായിരുന്ന വെറും 49 വയസ്സുകാരനായ റാമണ്‍ മഗ്സാസെ ഫിലിപ്പൈന്‍സിലെ മൗണ്ട് മന്നുഗ്ഗലില്‍ വെച്ച് വിമാനം തകര്‍ന്ന് വീണാണ് മരിച്ചത്. ഇതും അട്ടിമറിയാണ്. പോളണ്ടിലെ പ്രസിഡന്‍റായിരുന്ന ലെക് കാസിറിസ്കിയുടെ മരണവും വിമാനാപകടമാണ്. പാകിസ്ഥാന്റെ സിയാ ഉള്‍ ഹഖ് മരിച്ചതും വിമാനപകടത്തിലാണ്. ലോക് ഹീഡ് സി130 ഹെര്‍കുലിസ് പറന്നുയര്‍ന്ന ഉടനെ തകര്‍ന്നുവീഴുകയായിരുന്നു.
അമേരിക്കന്‍ പ്രസിഡന്‍റിന്റെ എയര്‍ഫോഴ്സ് വണ്‍ എന്ന അതിവസുരക്ഷാ വിമാനത്തിന് തത്തുല്യമാണ് പുടിന് പറക്കുന്ന ഫ്ലൈയിംഗ് ക്രംലിന്‍. പറക്കുന്ന ക്രംലിന്‍ എന്ന പേരില്‍ വിശേഷിപ്പിക്കുന്ന ഈ വിമാനം ഇല്യൂഷിന്‍ 96 വിഭാഗത്തില്‍പ്പെടുന്ന യാത്രാവിമാനമാണ്. ഇതിലാണ് സാധാരണ പുടിന് വിദേശയാത്രകള്‍ നടത്തുമ്പോള്‍ സഞ്ചരിക്കുക. ഇന്ത്യയിലേക്ക് എത്തിയിരിക്കുന്നതും ഈ വിമാനത്തിലാണ്.
സുരക്ഷിതമായ വാര്‍ത്താവിനിമയ, കണ്‍ട്രോള്‍ സംവിധാനമുള്ള ഒരു എയര്‍ബോണ്‍ കമാന്‍റ് സംവിധാനമാണ് ഈ ഫ്ലൈയിംഗ് ക്രെംലിന്‍. റഷ്യന്‍ എയര്‍ഫോഴ്സിലെ ഏറ്റവും പരിചയസമ്പന്നനായ റഷ്യന്‍ വ്യോമസേനയിലെ പൈലറ്റാണ് ഈ വിമാനം പറത്തുക. നാല് എഞ്ചിനുകളുള്ള ദീർഘദൂര വൈഡ് ബോഡി ജെറ്റ് വിമാനമാണ് ഇല്യുഷിൻ ഐഎല്‍ -96. നാല് ഹൈ-ബൈപാസ് Aviadvigatel PS-90 ട്വിൻ സ്പൂൾ ടർബോഫാൻ എഞ്ചിനുകളാണ് ഇതിന് കരുത്തേകുന്നത്.സെര്‍ഗി വ്ളാഡിമിനോവിച് ഇല്യൂഷിന്‍ എന്ന എയര്‍ക്രാഫ്റ്റ് ഡിസൈനറാണ് ഈ വിമാനം രൂപകല്‍പന ചെയ്തത് എന്നതിനാലാണ് ഇതിന് ഇല്യൂഷിന്‍ എന്ന പേര് നല്‍കിയിരിക്കുന്നത്.
പൂര്‍ണ്ണമായും റഷ്യയില്‍ നിര്‍മ്മിച്ച യാത്രാവിമാനവും യുദ്ധജെറ്റുകളും ആണ് പുടിന് ഉപയോഗിക്കുന്നത്. അതുപോലെ ഏത് രാജ്യത്തെത്തിയാലും അതീവരഹസ്യസ്വഭാവമുള്ള കാര്യങ്ങള്‍ ചര്‍ച്ചചെയ്യാനും റോഡ് മാര്‍ഗ്ഗം യാത്രചെയ്യാനും ഉപയോഗിക്കുന്ന ലിമോസിന്‍ കാറും പൂര്‍ണ്ണമായും റഷ്യയില്‍ നിര്‍മ്മിച്ചതാണ്. അതെ ഇന്ത്യയെപ്പോലെ ആത്മനിര്‍ഭര്‍ റഷ്യന്‍ വിമാനങ്ങളും കാറുമാണ് പുടിന് ഉപയോഗിക്കുന്നത് എന്നര്‍ത്ഥം.
എന്തായാലും ആകാശത്ത് പുടിനെ തൊടാന്‍ ഒരു ശക്തിയ്‌ക്കും കഴിയില്ല എന്ന് തെളിയിക്കുന്നതാണ് പുടിന്റെ ആകാശയാത്രയിലെ സുരക്ഷ സൂചിപ്പിക്കുന്നത്.
