മോസ്കോ: റഷ്യന് പ്രസിഡന്റ് വ്ളാഡിമിര് പുടിന് ഇന്ത്യയില് എത്തുമ്പോള് അദ്ദേഹത്തിന് കൂട്ടായി ആ കാറും എത്തും. ഓര്മ്മയുണ്ടോ ചൈനയില് എസ് സിഒ ഉച്ചകോടിക്ക് എത്തിയ മോദിയെ പുടിന് രഹസ്യ ചര്ച്ചയ്ക്കായി വിളിച്ചുകയറ്റിയത് പുടിന്റെ സ്വകാര്യ കാറിനകത്തേക്കാണ്. ലോകത്ത് ഒരു സിഐഎ ചാരനും ചോര്ത്താന് കഴിയാത്ത രഹസ്യവും സുരക്ഷിതവുമായ ഇടമാണ് പുടിന്റെ ഈ ലിമോസിന് കാര്. ഇപ്പോഴിതാ ഈ ഓറസ് സെനറ്റ് എന്ന ഈ ലിമോസിന് കാര് പുടിനൊപ്പം ഇന്ത്യയിലും എത്തുമെന്ന വാര്ത്തയാണ് പുറത്തുവരുന്നത്. ഡിസംബര് 4,5 തീയതികളില് പുടിന് ഇന്ത്യയില് എത്തുമ്പോള് ഈ ലിമോസിന് കാറും ദല്ഹിയില് എത്തും.
ചൈനയിലെ ടിയാന്ജിനില് അന്ന് ആ കാറിനകത്തിരുന്ന് പുടിനും മോദിയും ദീര്ഘനേരം സംഭാഷണം നടത്തിയിരുന്നു.ചൈനയിലെ ഒരു ഹോട്ടല്മുറിയില് വെച്ച് മോദിയും പുടിനും രഹസ്യചര്ച്ച നടത്തുമെന്നായിരുന്നു ധാരണ. എന്നാല് പൊടുന്നെ ആ പദ്ധതി പുടിന് മാറ്റിവെയ്ക്കുകയായിരുന്നു. ഇവരുടെ സംഭാഷണങ്ങള് ചോര്ത്താന് ശ്രമം നടക്കുന്നുവെന്ന റിപ്പോര്ട്ടുകളുടെ അടിസ്ഥാനത്തിലായിരുന്നു ഇത്. തുടര്ന്ന് ചര്ച്ചകള്ക്കായി പുടിന് മോദിയെ തന്റെ ലിമോസിന് കാറിനകത്തേക്ക് ക്ഷണിക്കുകയായിരുന്നു.
അന്ന് ചൈനയില് സന്ദര്ശനത്തിന് പോയ മോദിയെ വധിക്കാന് അമേരിക്കന് ചാരസംഘടനയായ സിഐഎ ഗൂഢപദ്ധതി ഒരുക്കിയിരുന്നതായി ചില അഭ്യൂഹങ്ങള് പരന്നിരുന്നു. ബംഗ്ലാദേശില് ഒരു ഹോട്ടല്മുറിയില് കൊല്ലപ്പെട്ട അമേരിക്കക്കാരന് ഒരു സിഐഎ ഏജന്റായിരുന്നുവെന്നും ഇയാള് ഹോട്ടല്മുറിയില് മരിച്ച നിലയില് കാണപ്പെടുകയായിരുന്നു. ഈ സിഐഎ ഏജന്റിനെ ആരാണ് വധിച്ചതെന്ന കാര്യം ദുരൂഹമാണ്. ഇയാളെ ചൈനയുടെ സീക്രട്ട് ഏജന്റുമാര് വധിച്ചെന്നും അല്ല ഇന്ത്യയുടെ സീക്രട്ട് ഏജന്റുമാരാണ് വധിച്ചതെന്നുമുള്ള രണ്ടഭിപ്രായങ്ങള് അന്ന് ഉയര്ന്നുകേട്ടിരുന്നു.
എന്തായാലും ചൈനയില് പുടിന് കൊണ്ടുവന്ന ലിമോസിന് കാര് ഇപ്പോള് ഇന്ത്യയിലും എത്തുകയാണ്.അതിനര്ത്ഥം മോദിയും പുടിനും തമ്മില് ദല്ഹിയിലും ചില തന്ത്രപ്രധാനമായ രഹസ്യസംഭാഷണങ്ങള് നടക്കുമെന്നാണ്. .
