തിരുവനന്തപുരം: ശബരിമലയിലെ സ്വര്ണക്കൊള്ളക്കേസില് ഇതുവരെ ചെറുമീനുകളേ പിടിക്കപ്പെട്ടിട്ടുള്ളുവെന്നും വമ്പന് സ്രാവുകള് കിടക്കുകയാണെന്നും മുതിര്ന്ന ബിജെപി നേതാവ് കുമ്മനം രാജശേഖരന്. ജന്മഭൂമി യൂ ട്യൂബ് ചാനലിന് നല്കിയ അഭിമുഖത്തില് സംസാരിക്കുകയായിരുന്നു അദ്ദേഹം.
അന്താരാഷ്ട്ര ബന്ധം ഉണ്ടായേക്കാവുന്ന ഈ കേസില് അന്വേഷണത്തിന് കൂടുതല് അധികാരപരിധിയുള്ള ഏജന്സികളെ നിയോഗിക്കാന് കോടതി തയാറായേക്കുമെന്നും കുമ്മനം പ്രതീക്ഷ പ്രകടിപ്പിച്ചു. ഈ കൊള്ളയുടെ പ്രേരണാ സ്രോതസ്സ് എവിടെയാണ്? ഇതിന്റെ ബുദ്ധികേന്ദ്രം ആരാണ്? അതന്വേഷിച്ചുചെല്ലുമ്പോഴാണ് ശബരിമലയ്ക്ക് എതിരേ നടക്കുന്ന ഗൂഢാലോചന എത്രമാത്രം വലുതാണ്, വിപുലമാണ്,
ഞെട്ടിക്കുന്നതാണ് എന്നതറിയാന് പോകുന്നത്, അദ്ദേഹം പറഞ്ഞു.
സര്ക്കാര് നിയന്ത്രിക്കുന്ന പാര്ട്ടിയുടെതന്നെ ഭാഗമായവര് കുറ്റം ചെയ്യുന്നവരുടെ ഭാഗത്തുനില്ക്കുകയും കുറ്റവാളികളാകുകയും ചെയ്യുമ്പോള് എന്തുചെയ്യാനാകും? കുമ്മനം ചോദിച്ചു.
