കൊച്ചി: ഓസ്ട്രേലിയയിലേക്ക് കുടുംബസമേതം യാത്രതിരിക്കാനിരുന്ന ഫസല് ഗഫൂറിനെ നെടുമ്പാശേരി വിമാനത്താവളത്തില് നിന്ന് ഇഡി കസ്റ്റഡിയിലെടുത്തു. മുമ്പും ഒന്നിലധികം നോട്ടീസുകള് അയച്ചിട്ടും ഇഡി മുമ്പാകെ ഹാജരാകാതെ വന്ന സാഹചര്യത്തിലാണ് അറസ്റ്റ്. കൊച്ചി ഇഡി ഓഫീസില് വിശദമായി ചോദ്യം ചെയ്തു
ഫസല് ഗഫൂര് 200 കോടിയോളം രൂപയുടെ കള്ളപ്പണം വെളുപ്പിച്ചു എന്ന ഗുരുതര പരാതിയുടെ അടിസ്ഥാനത്തിലാണ് ഇഡി നടപടിയിലേക്ക് നീങ്ങിയിരിക്കുന്നത്. വിദേശനാണ്യ വിനിയമ ചട്ടം ലംഘിച്ച് പണം സ്വീകരിച്ചതായും എംഇഎസ് ജനറല് സെക്രട്ടറി ലബ്ബയുടെ സഹായത്തോടെ കോട്ടയം പാമ്പാടിയിലെ ബാങ്ക് അക്കൗണ്ടില് അഞ്ച് കോടിയിലധികം രൂപ നിക്ഷേപിച്ചതായും പരാതിയില് ചൂണ്ടിക്കാട്ടുന്നു. ഇത് മുഴുവന് കള്ളപ്പണം വെളുപ്പിക്കല് ലക്ഷ്യമിട്ടുള്ള ഇടപാടുകളാണെന്നാരോപിച്ചാണ് പരാതി ഇഡിക്ക് ലഭിച്ചത്.
ഫസല് ഗഫൂറിനെതിരെ പണം നിക്ഷേപിപ്പിച്ച് വഞ്ചിച്ചതിനുള്ള പരാതി നേരത്തെ തന്നെ ഉയര്ന്നിരുന്നു. എംഇഎസ് സംസ്ഥാന പ്രസിഡന്റായ ഡോ. ഫസല് ഗഫൂറിനെതിരെ തിരൂര് സ്വദേശി ഡോ. അബ്ദുല് നാസര് നല്കിയ പരാതിയെ തുടര്ന്ന് പൊലീസ് എഫ്ഐആര് രജിസ്റ്റര് ചെയ്തിരുന്നു. കോഴിക്കോട് മിനി ബൈപാസില് എംഇഎസുമായി ചേര്ന്ന് സൂപ്പര് സ്പെഷ്യാലിറ്റി ആശുപത്രി ആരംഭിക്കുമെന്ന് ഉറപ്പുനല്കി നിക്ഷേപകരില് നിന്ന് കോടികള് സമാഹരിച്ചുവെന്നും പിന്നീട് പദ്ധതി പൂര്ണമായും ഉപേക്ഷിച്ചുവെന്നുമാണ് ആരോപണം. ഇതിന് രൂപീകരിച്ച ഫെയര്ഡീല് ഹൈല്നെസ് സൊല്യൂഷന്സ് എന്ന കമ്പനിയുടെ പ്രവര്ത്തനം പോലും പൂര്ണമായും നിലച്ചതായും പരാതിക്കാര് വ്യക്തമാക്കിയിരുന്നു.
ഇതിനിടെ, ഓസ്ട്രേലിയയിലേക്ക് കുടുംബസമേതം യാത്രതിരിക്കാനിരുന്ന ഫസല് ഗഫൂറിനെ നെടുമ്പാശേരി വിമാനത്താവളത്തില് നിന്ന് ഇഡി കസ്റ്റഡിയിലെടുത്തു. മുമ്പും ഒന്നിലധികം നോട്ടീസുകള് അയച്ചിട്ടും ഇഡി മുമ്പാകെ ഹാജരാകാതെ വന്ന സാഹചര്യത്തിലാണ് അറസ്റ്റ്. കൊച്ചി ഇഡി ഓഫീസില് വിശദമായി ചോദ്യം ചെയ്ത ശേഷമാണ് ഫസല് ഗഫൂറിനെ വിട്ടയച്ചത്.
