ആലപ്പുഴ: ജില്ലയില്‍ മുണ്ടിനീര് വ്യാപനം വീണ്ടും. ഏറ്റവുമൊടുവില്‍ മണ്ണഞ്ചേരി ഗവ. ഹൈസ്‌കൂളിലാണ് മുണ്ടിനീര് പടരുന്നതായി സ്ഥിരീകരിച്ചത്. ഇതേത്തുടര്‍ന്ന് കൂടുതല്‍ കുട്ടികളിലേയ്‌ക്ക് രോഗം വ്യാപിക്കാതിരിക്കാന്‍ സ്‌കൂളിലെ എല്‍ പി സെക്ഷന് നവംബര്‍ 26 മുതല്‍ 21 ദിവസം അവധി നല്‍കി ജില്ലാ കളക്ടര്‍ ഉത്തരവായി. ഈ ദിവസങ്ങളില്‍ ക്ലാസുകള്‍ ഓണ്‍ലൈനായി നടത്തുന്നതിനാവശ്യമായ ക്രമീകരണങ്ങള്‍ ജില്ലാ വിദ്യാഭ്യാസ ഉപഡയറക്ടര്‍ നിര്‍വ്വഹിക്കണം. വിദ്യാലയങ്ങളില്‍ മുണ്ടിനീര് പടര്‍ന്നു പിടിക്കാതിരിക്കാനുള്ള മുന്‍ കരുതല്‍ നടപടികള്‍ ആരോഗ്യവകുപ്പും തദ്ദേശ സ്വയംഭരണ വകുപ്പും ചേര്‍ന്ന് നടത്തണമെന്നും ഉത്തരവില്‍ പറഞ്ഞു.ജില്ലയില്‍ ഏതാനും മാസങ്ങള്‍ക്കിടെ വിവിധ സ്‌കൂളുകളില്‍ സമാനമായ രീതിയില്‍ മുണ്ടിനീര് സ്ഥിരീകരിക്കുകയും ദീര്‍ഘ്കാല അവധി നല്‍കേണ്ട സാഹചര്യമുണ്ടാവുകയും ചെയ്തിട്ടുണ്ട്.
