മുംബൈ: മഹാരാഷ്‌ട്ര മുഖ്യമന്ത്രി ഏക്നാഥ് ഷിന്ഡേയെ പരിഹസിക്കാന്‍ ഒരുമ്പെട്ട സ്റ്റാന്‍ഡപ് കൊമേഡിയന്‍ കുനാല്‍ കമ്രയ്‌ക്ക് അന്ന് കണ്ടം വഴി ഓടേണ്ടിവന്നു. അന്ന് രായ്‌ക്കുരാമാനം വേഷം മാറി ഓട്ടോറിക്ഷപിടിച്ചും കാര്‍ പിടിച്ചുമാണ് ഒരുവിധത്തില്‍ മഹാരാഷ്‌ട്രയില്‍ നിന്നും തമിഴ്നാട്ടിലേക്ക് കുനാല്‍ കമ്ര രക്ഷപ്പെട്ടത്. ശിവസേനക്കാര്‍ മുംബൈയിലെ സ്റ്റേജ് അടിച്ചുതകര്‍ക്കുകയും ചെയ്തു. പിന്നെ കുറെക്കാലത്തേക്ക് കുനാല്‍ കമ്രയുടെ അഡ്രസ് ഇല്ലായിരുന്നു.
ശിവസേനക്കാര്‍ മുംബൈയിലെ കുനാല്‍ കമ്രയുടെ സ്റ്റേജ് അടിച്ചുതകര്‍ക്കുന്നു
Reality of 4th largest Economy & Yogi's UP.
UP govt arranged the marriage of 380 couples in Hamirpur district.
There were chips & other stuff for the people to eat.
And people literally looted chips.🥲
pic.twitter.com/hF92Q3TOzA— Tarun Gautam (@TARUNspeakss) November 26, 2025
അന്ന് ഒരു പഴയ ബോളിവുഡ് സിനിമാഗാനം മൂളിയാണ് അദ്ദേഹം ഏക്നാഥ് ഷിന്ഡേയെ പരിഹസിച്ചത്. ഇപ്പോഴിതാ ആര്‍എസ്എസിനെ വിമര്‍ശിക്കുന്ന ഒരു ടീഷര്‍ട്ട് ധരിച്ച് രംഗപ്രവേശം ചെയ്തിരിക്കുകയാണ് കുനാല്‍ കമ്ര. ഇതിനെതിരെ പൊലീസ് നടപടി കൈക്കൊള്ളുമെന്ന് മുഖ്യമന്ത്രി ദേവേന്ദ്ര ഫഡ് നാവിസ് പറഞ്ഞു. മഹാരാഷ്‌ട്രയിലെ ബിജെപി മന്ത്രി ചന്ദ്രശേഖര്‍ ഭവാന്‍കുളെ ഇതിനെതിരെ ശക്തമായി രംഗത്ത് വന്നിരിക്കുകയാണ്. പ്രകോപനപരമായ ഇത്തരം നീക്കങ്ങള്‍ക്കെതിരെ പൊലീസ് നടപടിയെടുക്കുമെന്ന് ചന്ദ്രശേഖര്‍ ഭവാന്‍കുളെ പറഞ്ഞു.
നേരത്തെ പ്രധാനമന്ത്രി മോദിയേയും എക് നാഥ് ഷിന്‍ഡേയെയും ലക്ഷ്യം വെച്ച കുനാല്‍ കമ്ര ഇപ്പോള്‍ ആര്‍എസ്എസിനെ വിമര്‍ശിക്കുകയാണ്. ഇതിനെതിരെ ശക്തമായ നടപടിയെടുക്കുമെന്ന് ശിവസേന മന്ത്രി സഞ്ജയ് ഷിര്‍സാറ്റ് പറഞ്ഞു.
