കേരളത്തിലെ സ്വകാര്യ മേഖലയിലുള്ള സ്ഥാപനങ്ങളിലടക്കം 2025-26 വര്ഷം നടത്തുന്ന പ്രവേശനത്തിന് ഓണ്ലൈനില് നവംബര് 24 വരെ അപേക്ഷിക്കാം. സര്ക്കാര് അംഗീകരിച്ച പ്രോസ്പെക്ടസിലെ വ്യവസ്ഥകള് പാലിച്ചാണ് അഡ്മിഷന്. നവംബര് 29 ന് തിരുവനന്തപുരത്ത് മാസ്റ്റര് ഓഫ് പബ്ലിക് ഹെല്ത്ത് (എംപിഎച്ച്) കോഴ്സ് നടത്തുന്ന പ്രവേശനപരീക്ഷയുടെ അടിസ്ഥാനത്തില് എല്ബിഎസ്സെന്റര് ഡയറക്ടര് തയ്യാറാക്കുന്ന റാങ്ക്ലിസ്റ്റ് പ്രകാരം കേന്ദ്രീകൃത അലോട്ട്മെന്റിലൂടെ പ്രവേശനം നേടാവുന്നതാണ്. പ്രവേശന വിജ്ഞാപനവും വിശദവിവരങ്ങളടങ്ങിയ പ്രോസ്പെക്ടസും www.lbscentre.in- ല് ലഭിക്കും. കോഴ്സ് നടത്തുന്ന സ്ഥാപനങ്ങളുടെ പട്ടിക കേന്ദ്രീകൃത അലോട്ട്മെന്റിന് മുമ്പ് പ്രസിദ്ധപ്പെടുത്തും.
അപേക്ഷാ ഫീസ്: പൊതുവിഭാഗത്തിന് 1800 രൂപ. എസ്സി/എസ്ടി വിഭാഗത്തിന് 900 രൂപ. നവംബര് 22 വരെ ഓണ്ലൈന് വഴിയോ വെബ്സൈറ്റ് വഴി ഡൗണ്ലോഡ് ചെയ്ത ചെലാന് ഉപയോഗിച്ച് ഫെഡറല് ബാങ്കിന്റെ ഏതെങ്കിലും ശാഖ വഴിയോ ഫീസ് അടയ്ക്കാം. www.lbscentre.kerala.gov.in വഴിയാണ് അപേക്ഷിക്കേണ്ടത്.
പ്രവേശന യോഗ്യത: 50% മാര്ക്കോടെ എംബിബിഎസ്/ബിഡിഎസ്/ബിഎച്ച്എംഎസ്/ബിഎഎംഎസ്/ബിയുഎംഎസ്/ബിഎസ്എംഎസ് (ഫുള്ടൈം റഗുലര് കോഴ്സ്) ബിരുദം. അല്ലെങ്കില് ബിഎസ്സി നഴ്സിങ്, ബിഎസ്സി-എംഎല്റ്റി/എംആര്ടി/ബിഫാം/ബിപിറ്റി (50% മാര്ക്കില് കുറയാതെ) അല്ലെങ്കില് വെറ്ററിനറി സയന്സ് ബിരുദം (ബിവിഎസ്സി ആന്റ് എഎച്ച്) (55% മാര്ക്കില് കുറയരുത്).
പബ്ലിക് ഹെല്ത്ത് ഒരു വിഷയമായി/പേപ്പറായി പഠിച്ച് 50% മാര്ക്കില് കുറയാതെ ബിരുദമോ പിജിയോ ഉള്ളവര്ക്കും അപേക്ഷിക്കാം.
എസ്സി/എസ്ടി/എസ്ഇബിസി വിഭാഗങ്ങളില്പ്പെടുന്നവര്ക്ക് യോഗ്യതാപരീക്ഷയില് 5 ശതമാനം മാര്ക്കിളവുണ്ട്. പ്രായപരിധിയില്ല. വിശദമായ യോഗ്യതാ മാനദണ്ഡങ്ങളും സെലക്ഷന് പ്രവേശന നടപടികളും പ്രോസ്പെക്ടസിലുണ്ട്.
എല്ലാ സ്ഥാപനങ്ങളിലും 50% ഗവണ്മെന്റ് മെരിറ്റ് സീറ്റുകളും 50% മാനേജ്മെന്റ് ക്വാട്ടാ സീറ്റുകളുമായിരിക്കും.
