മാന്നാര്: ബിജെപി സ്ഥാനാര്ത്ഥിയായ അമ്മയ്ക്കു വേണ്ടി ചുവരെഴുതി എന്ജിനീയറിങ് വിദ്യാര്ത്ഥിയായ മകള്. മാന്നാര് ഗ്രാമ പഞ്ചായത്ത് പതിനൊന്നാം വാര്ഡില് സന്ധ്യ ഹരികുമാറിന്റെ തെരഞ്ഞെടുപ്പ് പ്രചരണത്തിനാണ് മകള് കുട്ടംമ്പേരൂര് അഞ്ജനത്തില് അഞ്ജലി (20) ചുവരെഴുതിയത്.
കോട്ടയം സെയിന്റ്ഗിറ്റ്സ് എന്ജിനീയറിങ് കോളജ് മെക്കാനിക്കല് വിഭാഗം രണ്ടാം വര്ഷ വിദ്യാര്ത്ഥിയാണ് അഞ്ജലി.
ഡിസൈനിങ് വര്ക്കുകളും ചെറിയ ആര്ട്ടു വര്ക്കുകളും ചെയ്യുന്ന അഞ്ജലി ആദ്യമായാണ് ചുവരെഴുത്തിലേക്ക് കടന്നത്. അമ്മയ്ക്കുവേണ്ടി ചുവരെഴുതാന് എത്തിയവര്ക്കൊപ്പം അഞ്ജലിയും കൂടുകയായിരുന്നു.
ബാലഗോകുലാംഗമായിരുന്ന അഞ്ജലി പ്രചരണത്തിലും സജീവമാണ്. കുട്ടംമ്പേരൂരിലെ ആദ്യകാല ആര്എസ്എസ് പ്രവര്ത്തകരില് ഒരാളായ അച്ഛന് റിട്ട. ഓണററി ക്യാപ്റ്റന് ഹരികുമാറും സഹോദരി അഞ്ജനയും അഞ്ജലിക്കും അമ്മയ്ക്കും പിന്തുണയുമായി ഒപ്പമുണ്ട്.
