ആപ്പിളിന്റെ വില കുതിച്ചുയരുകയാണ്, വിപണിയിൽ ആപ്പിളിന്റെ വില കിലോയ്ക്ക് 100 മുതൽ 200 രൂപ വരെയാണ്. അതേസമയം, ഇവിടെ ഒരു ആപ്പിളിന് 10 കോടി രൂപ വിലയുണ്ട്. എന്താ സ്വർണ്ണം കൊണ്ടുള്ള ആപ്പിളാണോ എന്നല്ലേ നിങ്ങൾ ചിന്തിച്ചത്. അതെ ഇത് സ്വർണ്ണവും വജ്രവും കൊണ്ട് നിർമ്മിച്ച ആപ്പിളാണ്. മുംബൈയിലെ പ്രശസ്തനായ സ്വർണ്ണ മനുഷ്യൻ എന്നറിയപ്പെടുന്ന രോഹിത് പിസലാണ് ഇത് നിർമ്മിച്ചത്. ഈ ആപ്പിൾ അന്താരാഷ്ട്ര തലത്തിൽ ശ്രദ്ധ ആകർഷിച്ചിരിക്കുകയാണ്.
ഈ ആപ്പിൾ 18 കാരറ്റ് സ്വർണ്ണവും 9 കാരറ്റ്, 36 കാരറ്റ് വജ്രങ്ങളും കൊണ്ടാണ് നിർമ്മിച്ചിരിക്കുന്നത്. 1,396 ചെറിയ വജ്രങ്ങളും ഇതിൽ ഉൾപ്പെടുത്തിയിട്ടുണ്ട്. ഏകദേശം 29.8 ഗ്രാം ഭാരമുണ്ട് ഈ ആപ്പിളിന് . ഇന്ത്യ ബുക്ക് ഓഫ് റെക്കോർഡ്സിൽ ഈ ആപ്പിൾ ഉൾപ്പെടുത്തിയിട്ടുണ്ട്. വേൾഡ് ഇന്റർനാഷണൽ ജെമോളജിക്കൽ ഇൻസ്റ്റിറ്റ്യൂട്ട് ഇതിന് സാക്ഷ്യം വഹിച്ചിട്ടുണ്ട്. ഇതിന്റെ ആധികാരികതയും മൂല്യവും പരിശോധിച്ചുറപ്പിച്ചിട്ടുമുണ്ട്.
