മേടക്കൂറ്: അശ്വതി, ഭരണി, കാര്‍ത്തിക (1/4)
പുണ്യക്ഷേത്രങ്ങള്‍ സന്ദര്‍ശിക്കാനിടവരും. ഭാര്യയുടെ കുടുംബങ്ങളുമായി അനാവശ്യതര്‍ക്കങ്ങളുണ്ടാകാതെ ശ്രദ്ധിക്കണം. ക്ലറിക്കല്‍ ജോലിക്ക് ശ്രമിക്കുന്നവര്‍ക്ക് ഉദ്യോഗത്തില്‍ പ്രവേശിക്കാനവസരമുണ്ടാകും. കമ്മീഷന്‍ ഏജന്‍സിയുമായി പ്രവര്‍ത്തിക്കുന്നവര്‍ക്ക് അനുകൂല സമയമാണ്. പിതാവിന് ആശുപത്രിവാസം വേണ്ടിവരും.
ഇടവക്കൂറ്: കാര്‍ത്തിക (3/4), രോഹിണി, മകയിരം (1/2)
സിനിമ, സീരിയല്‍ എന്നീ മേഖലയിലുള്ളവര്‍ക്ക്‌നല്ല സമയമാണ്. ചിന്താശേഷിയും കര്‍മശേഷിയും വര്‍ധിക്കും. തൊഴില്‍പ്രശ്‌നങ്ങള്‍ മനസ്സിനെ അലട്ടിക്കൊണ്ടിരിക്കും. ഭരണകാര്യങ്ങളില്‍ പ്രശസ്തി ആര്‍ജിക്കാന്‍ കഴിയും. ചില എതിര്‍പ്പുകള്‍ ഉണ്ടായാലും പ്രേമകാര്യങ്ങളില്‍ പുരോഗതിയുണ്ടാകും.
മിഥുനക്കൂറ്: മകയിരം (1/2), തിരുവാതിര, പുണര്‍തം (3/4)
പുതിയ വ്യാപാരത്തെപ്പറ്റി സുഹൃത്തുക്കളുമായി ചര്‍ച്ച ചെയ്ത് ആരംഭിക്കാനിടയുണ്ട്. ഓണ്‍ലൈന്‍ ബിസിനസില്‍നിന്ന് വമ്പിച്ച ആദായമുണ്ടാകും. യാത്രാവേളകളില്‍ പണം നഷ്ടപ്പെടാനിടയുണ്ട്. പണം കൈയിലുണ്ടായാലും പ്രയോജനപ്പെടുകയില്ല. വിരോധികളില്‍നിന്ന് ശല്യമുണ്ടായെന്ന് വരും.
കര്‍ക്കടകക്കൂറ്: പുണര്‍തം (1/4), പൂയം, ആയില്യം
വിദ്യാര്‍ത്ഥികള്‍ മെച്ചമായ പരീക്ഷാവിജയം കൈവരിക്കും. സര്‍ക്കാര്‍ ജോലി ലഭിക്കാനിടയുണ്ട്. സുഖകരവും ആഡംബരപൂര്‍വവുമായ ജീവിതം നയിക്കും. ഭൂമി, വാഹനം എന്നിവ അധീനതയില്‍ വരും. കേസുകളില്‍ വിജയം കൈവരിക്കും.
ചിങ്ങക്കൂറ്: മകം, പൂരം, ഉത്രം (1/4)
എന്‍ജിനീയറിങ്, മെഡിക്കല്‍ വിദ്യാര്‍ത്ഥികള്‍ക്ക് ഉപരിപഠനത്തിന് സൗകര്യമുണ്ടാകും. മുമ്പ് ശേഖരിച്ചുവച്ച പണമെടുത്ത് ചെലവഴിക്കും. ലോണുകളും മറ്റ് ക്രെഡിറ്റ് സൗകര്യങ്ങളും പെട്ടെന്ന് ലഭിക്കും. പിതൃസ്വത്ത് അനുഭവയോഗ്യമാകും. ഉദ്യോഗക്കയറ്റവും വരുമാനത്തില്‍ വര്‍ധനയുമുണ്ടാകും.
കന്നിക്കൂറ്: ഉത്രം (3/4), അത്തം, ചിത്തിര (1/2)
ഉന്നതവിദ്യാഭ്യാസ രംഗത്ത് പുരോഗതിയുണ്ടാകും. ചീത്ത കൂട്ടുകെട്ടില്‍നിന്ന് ഒഴിഞ്ഞുനില്‍ക്കേണ്ടതാണ്. നിയമജ്ഞര്‍ക്ക് പണവും പ്രശസ്തിയും കൂടും. ഏര്‍പ്പെടുന്ന കാര്യങ്ങളില്‍ വിജയമുണ്ടാകും. രാഷ്‌ട്രീയക്കാര്‍ക്ക് അധികാരലബ്ധിയുണ്ടാകും. ഭൂമി ക്രയവിക്രയം നടത്തും.
തുലാക്കൂറ്: ചിത്തിര (1/2), ചോതി, വിശാഖം (3/4)
പുതിയ വാണിജ്യപ്രവൃത്തികളില്‍ ഏര്‍പ്പെടും. പ്രമോഷന്‍ കാര്യത്തില്‍ അല്‍പം കാലതാമസമുണ്ടാകും. ടെസ്റ്റുകളില്‍ വിജയമുണ്ടാകും. ചില പുതിയ ആശയങ്ങള്‍ പ്രാവര്‍ത്തികമാക്കാന്‍ ശ്രമിക്കും. എല്ലാ കാര്യങ്ങളിലും വിജയമുണ്ടാകും. പലതരം സുഖഭോഗങ്ങള്‍ അനുഭവിക്കാനവസരമുണ്ടാകും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
ഏത് വിഷമസന്ധിയും എളുപ്പത്തില്‍ അതിജീവിക്കാന്‍ കഴിയും. പൊതുവേ മനസ്സിനും ശരീരത്തിനും സുഖാനുഭവമുണ്ടാകും. മാനേജ്‌മെന്റ്‌രംഗത്ത് ശോഭിക്കാന്‍ കഴിയും. ദൂരയാത്രകള്‍ നിര്‍ത്തിവെക്കേണ്ടിവരും. പ്രതീക്ഷിക്കാത്ത കേന്ദ്രത്തില്‍നിന്ന് പണം ലഭിക്കും. വായ്‌പകള്‍ എളുപ്പത്തില്‍ ലഭ്യമാകും.
ധനുക്കൂറ്: മൂലം, പൂരാടം, ഉത്രാടം (1/4)
എല്ലാ രംഗങ്ങളിലും ആത്മവിശ്വാസത്തോടെ പ്രവര്‍ത്തിക്കും. പുതിയ ബിസിനസ് തുടങ്ങും. സാമ്പത്തികനില ഉയരും. ചില പുതിയ എഗ്രിമെന്റുകളില്‍ഒപ്പുവെക്കും. വ്യവസായത്തില്‍നിന്ന് ആദായം ലഭിക്കും. ദൈവികചിന്ത കൂടും. വീട് മാറിത്താമസിക്കാനിടവരും. സന്താനങ്ങള്‍ക്ക് ശ്രേയസ്സ് വര്‍ധിക്കും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
ഷെയറുകളില്‍നിന്നുള്ള വരുമാനം വര്‍ധിക്കും. കടം കൊടുത്ത പണം നഷ്ടപ്പെടാനിടയുണ്ട്. ഭാര്യക്കും സന്താനങ്ങള്‍ക്കും അസുഖം ബാധിച്ചെന്നുവരും. വീട് പണിയുകയോ വാങ്ങുകയോ ചെയ്യും. കച്ചവടത്തില്‍നിന്ന് നല്ല രീതിയില്‍ കമ്മീഷന്‍ ലഭിക്കും. പദ്ധതി സമര്‍പ്പണത്തില്‍ ലക്ഷ്യപ്രാപ്തി നേടും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
ഭൂമികച്ചവടത്തില്‍നിന്ന് ആദായം ഉണ്ടാകും. അനാവശ്യ വാഗ്ദാനങ്ങള്‍ ഒഴിവാക്കുക. നിര്‍ത്തിവെച്ച പ്രവര്‍ത്തനങ്ങള്‍ വീണ്ടും തുടങ്ങാനിടവരും. ശാരീരിക ക്ഷീണം അനുഭവപ്പെടും. മേലധികാരികളുടെ അപ്രീതിക്ക് പാത്രമാവാതിരിക്കാന്‍ ശ്രദ്ധിക്കണം. ഉദ്ദേശിച്ച വിധത്തിലുള്ള കുടുംബസുഖമുണ്ടാവില്ല.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
ഉദ്യോഗത്തില്‍ സ്ഥാനക്കയറ്റമോ സ്ഥലംമാറ്റമോ പ്രതീക്ഷിക്കാം. സ്വതസിദ്ധമായ സാമര്‍ഥ്യം മുഖേന പലവിധ നേട്ടങ്ങളും ഉണ്ടാകും. ദൂരയാത്രക്ക് ഉദ്ദേശിക്കുന്നവര്‍ക്ക് ആഗ്രഹം സാധിക്കും. ക്രയവിക്രയങ്ങളില്‍നിന്ന് ആദായമുണ്ടാകും. വിദ്യാര്‍ത്ഥികള്‍ക്കും ശാസ്ത്രജ്ഞര്‍ക്കും ഗവേഷകര്‍ക്കും ആഗ്രഹസാഫല്യമുണ്ടാകും.
