മരങ്ങാട്ടുപിള്ളി (കോട്ടയം): നാല് ദിവസമായി മരങ്ങാട്ടുപിള്ളി ലേബര്‍ ഇന്ത്യ പബ്ലിക്ക് സ്‌കൂളില്‍ നടന്ന സംസ്ഥാന സിബിഎസ്ഇ കലോത്സവത്തില്‍ മലബാര്‍ സഹോദയയും കോഴിക്കോട് സില്‍വര്‍ ഹില്‍സ് പബ്ലിക്ക് സ്‌കൂളും ചാമ്പ്യന്മാര്‍. വിവിധ ഇനങ്ങളിലായി 1635 പോയിന്റുമായാണ് മലബാര്‍ സഹോദയ ഒന്നാം സ്ഥാനത്ത് എത്തിയത്. ആദ്യം മുതല്‍ കടുത്ത പോരാട്ടം നടത്തി 1612 പോയിന്റ് നേടിയ തൃശൂര്‍ സഹോദയയെ പിന്നിലാക്കിയാണ് മലബാര്‍ വിജയം നേടിയത്.
1563 പോയിന്റ് നേടിയ തൃശൂര്‍ സെന്‍ട്രല്‍ സഹോദയ ആണ് മൂന്നാം സ്ഥാനത്ത്. 1554 പോയിന്റുമായി കൊച്ചി സഹോദയ നാലാം സ്ഥാനത്തും, 1538 പോയിന്റുമായി കൊച്ചി മെട്രോ സഹോദയ അഞ്ചാം സ്ഥാനത്തുമെത്തി. 202 പോയിന്റോടെ മലബാര്‍ സഹോദയയിലെ കോഴിക്കോട് സില്‍വര്‍ ഹില്‍സ് പബ്ലിക്ക് സ്‌കൂള്‍ ആണ് സ്‌കൂളുകളില്‍ ചാമ്പ്യനായത്. കോഴിക്കോട് മെഡിക്കല്‍ കോളജ് ദേവഗിരി സിഎംഐ പബ്ലിക്ക് സ്‌കൂള്‍ 156 പോയിന്റുമായി രണ്ടാം സ്ഥാനത്ത് എത്തി. ചന്ദ്രാപ്പിന്നി എസ്.എന്‍ വിദ്യാഭവന്‍ സീനിയര്‍ സെക്കന്ററി സ്‌കൂള്‍ 128 പോയിന്റുമായി മൂന്നാം സ്ഥാനത്ത് എത്തി. 116 പോയിന്റുമായി തിരുവമ്പാടി ദേവമാതാ സിഎംഐ പബ്ലിക്ക് സ്‌കൂള്‍ നാലാം സ്ഥാനത്തും, 102 പോയിന്റുമായി പാലാ ചാവറ സിഎംഐ പബ്ലിക്ക് സ്‌കൂള്‍ അഞ്ചാം സ്ഥാനത്തും എത്തി.
202 പോയിന്റുകള്‍ നേടിയാണ് കോഴിക്കോട് സില്‍വര്‍ ഹില്‍സ് പബ്ലിക് സ്‌കൂള്‍ ഒരിക്കല്‍കൂടി സംസ്ഥാന ചാമ്പ്യന്മാരായത്. 25-ാം വാര്‍ഷികം ആഘോഷിക്കുന്ന കിരീട നേട്ടം ഇരട്ടി മധുരമായി.
ജന്മഭൂമി ഓണ്‍ലൈന്‍