കൊല്ലം: മന്ത്രവാദത്തിന്റെ മറവില് സ്കൂള് വിദ്യാര്ത്ഥിനിയെ പീഡിപ്പിക്കാന് ശ്രമിച്ച സംഭവത്തില് അറസ്റ്റിലായ മുണ്ടയ്ക്കല് സ്വദേശി ഷിനു ആദ്യമായല്ല പീഡനശ്രമങ്ങള് നടത്തുന്നതെന്ന് വെളിപ്പെടുത്തല്. പൂജക്കെന്ന പേരില് വേറെയും സ്ത്രീകളെ ഇയാള് മാനഭംഗപ്പെടുത്തിയിട്ടുണ്ടെന്നാണ് വിവരം. എന്നാല് വെളിപ്പെടുത്തല് നടത്തിയിട്ടുള്ള പലരും മാനഹാനി ഭയന്ന് പരാതി നല്കാന് തയ്യാറായിട്ടില്ല.
മന്ത്രവാദം വഴി ഉയര്ന്ന വിജയം നേടാന് കഴിയുമെന്ന് മാതാപിതാക്കളെ വിശ്വസിപ്പിച്ചാണ് പെണ്കുട്ടിയെ ഇയാള് പീഡിപ്പിക്കാന് ശ്രമിച്ചത്. കുട്ടിയെ ഒറ്റയ്ക്ക് ഒരു മുറിയിലേയ്ക്ക് കൂട്ടിക്കൊണ്ടു പോയി വിവസ്ത്രയാക്കാന് ശ്രമിക്കുകയും സ്വകാര്യഭാഗങ്ങളിലടക്കം ചരടുകള് കെട്ടുകയുമാണ് ഇയാള് ചെയ്തത്. അസ്വാഭാവികത തോന്നിയ പെണ്കുട്ടി അമ്മയോട് വിവരം പറയുകയും തുടര്ന്ന് പൊലീസില് അറിയിക്കുകയുമായിരുന്നു.
ഇയാള് അറസ്റ്റിലായതോടെ പൂജക്കെന്ന പേരില് എത്തി പീഡിപ്പിച്ചെന്ന് കാട്ടി വേറെയും സ്ത്രീകള് രംഗത്തുവന്നു. ബ്ളാക്ക് മെയില് ചെയ്ത് പലരില് നിന്നും പണം തട്ടിയതായും പരാതി ഉയര്ന്നിട്ടുണ്ട്.
മന്ത്രവാദത്തിന്റെ പേരില് ബാലികയ്ക്കു നേരെ പീഡനശ്രമം: അറസ്റ്റിലായ ‘ഷിനു സ്വാമി’യുടെ വിക്രിയകള് ഇതാദ്യത്തേതല്ല
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.