ബീഹാർ: അയ്യോ! കമൽ ഹാസനും പേടിച്ചുപോയി!!

ചെന്നൈ: ബീഹാറിലെ തെരഞ്ഞെടുപ്പു ഫലം കണ്ട് മക്കൽ നീതി മയ്യം (എംഎൻഎം) പാർട്ടി നേതാവും സിനിമാ നടനും സംവിധായകനുമായ കമൽ ഹാസനും പേടിച്ചു പോയതുപോലെ. തെരഞ്ഞെടുപ്പു ഫലത്തെക്കുറിച്ച് ചോദിച്ചപ്പോൾ പ്രതികരിച്ചതിങ്ങനെ: ”നമ്മളും കരുതിയിരിക്കണം. തമിഴ്‌നാട് ഏറെ ജാഗ്രതയും കരുതലും കാണിക്കണം. അതേ എനിക്ക് പറയാൻ കഴിയൂ.”
2026 ലാണ് തമിഴ്‌നാട്ടിലെ തെരഞ്ഞെടുപ്പ്. ബിജെപി സംസ്ഥാന നേതാവ് കെ. അണ്ണാമലൈ ഇങ്ങനെ പറഞ്ഞിരുന്നു: ‘2026ൽ പുതുച്ചേരിയിൽ വീണ്ടും ദേശീയ ജനാധിപത്യ സഖ്യ സർക്കാർ രൂപീകരിക്കും. തമിഴ്നാട്ടിലും എൻഡിഎ സർക്കാർ രൂപീകരിക്കും. ബീഹാറിൽ എൻഡിഎ വിജയിച്ചതിന് ശേഷം മുഖ്യമന്ത്രി സ്റ്റാലിൻ നെഞ്ചിടിപ്പോടെയാണ് സംസാരിക്കുന്നത്.” ഇതിനു പിന്നാലെയാണ് എംഎൻഎം പാർട്ടി നേതാവ് കമൽ ഹാസന്റെ പ്രതികരണം.