തിരുവനന്തപുരം: തദ്ദേശസ്വയംഭരണ സ്ഥാപനങ്ങളിലേക്ക് മത്സരിക്കുന്ന സ്ഥാനാര്ത്ഥികള്ക്ക് ഇന്നു മുതല് നാമനിര്ദേശ പത്രിക സമര്പ്പിക്കാം. രാവിലെ 11 നും വൈകിട്ട് മൂന്നിനും ഇടയിലാണ് പത്രിക സമര്പ്പിക്കേണ്ടത്.
പത്രിക സമര്പ്പണത്തിനുള്ള അവസാന തീയതി നവംബര് 21. സൂക്ഷ്മ പരിശോധന 22ന്. പിന്വലിക്കാനുള്ള അവസാന തീയതി 24.
941 ഗ്രാമപഞ്ചായത്തുകള്, 152 ബ്ലോക്ക് പഞ്ചായത്തുകള്, 14 ജില്ലാപഞ്ചായത്തുകള്, 86 മുനിസിപ്പാലിറ്റികള്, 6 കോര്പ്പറേഷനുകള് ഉള്പ്പെടെ 1199 തദ്ദേശ സ്ഥാപനങ്ങളിലേക്കാണ് തെരഞ്ഞെടുപ്പ്. ആകെയുള്ള 1200 തദ്ദേശസ്ഥാപനങ്ങളില് മട്ടന്നൂര് നഗരസഭയുടെ കാലാവധി 2027 സപ്തംബര് 10 ന് മാത്രമേ അവസാനിക്കൂ എന്നതിനാല് അവിടെ പിന്നീടായിരിക്കും തെരഞ്ഞെടുപ്പ്.
