തിരുവനന്തപുരം: കേരള സര്‍വകലാശാല പിഎച്ച്ഡി വിവാദത്തില്‍ സംസ്‌കൃത വിഭാഗം മേധാവിയ്‌ക്കെതിരെ ഗവേഷണ വിദ്യാര്‍ഥി സംസ്ഥാന എസ്സി-എസ്ടി കമ്മിഷന് പരാതി നല്‍കി . ഡീന്‍ ഡോ.സി. എന്‍. വിജയകുമാരി ജാതി അധിക്ഷേപം നടത്തിയെന്നാണ് വിപിന്‍ വിജയന്റെ പരാതി. മറ്റ് അധ്യാപകര്‍ക്ക് മുന്നില്‍ വച്ച് ജാതീയമായി അധിക്ഷേപിച്ചെന്ന് പരാതിയില്‍ പറയുന്നു.
നേരത്തെ ഡോ സി എന്‍ വിജയകുമാരിക്കെതിരെ പൊലീസിലും പരാതി നല്‍കിയിരുന്നു. താഴ്ന്ന ജാതിക്കാര്‍ക്ക് എത്ര ശ്രമിച്ചാലും സംസ്‌കൃതം വഴങ്ങില്ല തുടങ്ങിയ പരാമര്‍ശങ്ങള്‍ അധ്യാപിക നടത്തിയെന്നാണ് പരാതി.
അക്കാദമിക് യോഗ്യതയില്ലാത്തതിനാല്‍ കാര്യവട്ടം ക്യാമ്പസിലെ ഗവേഷക വിദ്യാര്‍ഥിയായ വിപിന്‍ വിജയന് പി എച്ച് ഡി അനുവദിക്കരുതെന്ന് ചൂണ്ടിക്കാട്ടി ഡീനായ ഡോ. സി എന്‍ വിജയകുമാരി വൈസ് ചാന്‍സര്‍ക്ക് കത്ത് നല്‍കിയിരുന്നു.
