തിരുവനന്തപുരം: പിഎം ശ്രീ പദ്ധതിയില്‍ സംസ്ഥാന സര്‍ക്കാര്‍ ഒപ്പുവച്ചതില്‍ പ്രതിഷേധിച്ച് നഗരത്തില്‍ സി പി ഐയുടെ വിദ്യാര്‍ത്ഥി, യുവജന,സംഘടനകളായ എഐഎസ്എഫും എഐവൈഎഫും പ്രതിഷേധ പ്രകടനം നടത്തി.വിദ്യാഭ്യാസ മന്ത്രിയുടെ ഓഫീസിലേക്ക് നടത്തിയ പ്രകടനത്തില്‍ പൊലീസ് ജലപീരങ്കി പ്രയോഗിച്ചു.
ഇതോടെ സമരക്കാര്‍ ബാരിക്കേഡ് തള്ളിമറിച്ചിടാന്‍ ശ്രമിച്ചതോടെ പ്രതിഷേധത്തില്‍ പങ്കെടുത്തവരെ പൊലീസ് അറസ്റ്റ് ചെയ്ത് നീക്കി. ഇത് കേരളത്തിന്റെ മാത്രം പ്രശ്‌നമല്ലെന്നും പുത്തന്‍ ദേശീയ വിദ്യാഭ്യാസ നയം പിഎം ശ്രീയുടെ പേരില്‍ നടപ്പാക്കാനാണ് ശ്രമമെങ്കില്‍ പ്രതിഷേധം കടുപ്പിക്കുമെന്നും നേതാക്കള്‍ പറഞ്ഞു.
വിദ്യാഭ്യാസമന്ത്രിയെ നേരിടുന്ന തരത്തിലേക്ക് സമരം മാറുമെന്നും നേതാക്കള്‍ പറഞ്ഞു. രക്തരൂക്ഷിത സമരങ്ങളിലേക്ക് പോകേണ്ടിവരും. എല്‍ഡിഎഫ് ഗൗരവമായി ചര്‍ച്ച ചെയ്ത് മാറ്റി വച്ച കാര്യം ഇരുട്ടിന്റെ മറവില്‍ നടപ്പാക്കി. പദ്ധതിയില്‍ നിന്നും പിന്‍മാറുന്നതുവരെ സമരം നടത്തും എന്നും സമരക്കാര്‍ പറഞ്ഞു.
പിഎം ശ്രീപദ്ധതിയില്‍ ഒപ്പുവച്ചതില്‍ പ്രതിഷേധിച്ച് ആലപ്പുഴയിലും എ ഐ എസ് എഫും എ ഐ വൈ എഫും പ്രതിഷേധ പ്രകടനം നടത്തി.
