വളർത്തു മൃഗങ്ങൾ സംരക്ഷകരോട് കാണിക്കുന്ന സ്‌നേഹവും കരുതലും വലുതാണ്, അതിശയിപ്പിക്കുന്നതാണ്. വളർത്തുമൃഗങ്ങളെ സ്വന്തം കുഞ്ഞുങ്ങളെപ്പോലെ സ്‌നേഹിച്ചും ലാളിച്ചും വളർത്തുന്നവരും ഏറെയുണ്ട്. എന്നാൽ നിങ്ങൾ എത്ര ആഗ്രഹിച്ചാലും, നിങ്ങളുടെ വളർത്തുമൃഗത്തെ എല്ലായിടത്തും കൊണ്ടുപോകാൻ ചിലപ്പോൾ കഴിയില്ല. പല സ്ഥലങ്ങളും ഇപ്പോഴും വളർത്തുമൃഗങ്ങൾക്ക് പ്രവേശന വിലക്കുണ്ട്. അതിനാൽ അത്തരം, സ്ഥലങ്ങളിൽ വളർത്തുനായയെ, പൂച്ചയെ ഒക്കെ കൊണ്ടുപോകാൻ കഴിയാത്തതിനാൽ അവിടങ്ങളിൽ പോകാത്തവരുമുണ്ട്.
‘ഓമന’യെ കാറിൽ ഇരുത്തി പോകുന്നത് ക്രൂരതയായി ചിലർ കണക്കാക്കുന്നു.
ഈ പ്രശ്‌നങ്ങൾ കണ്ടറിഞ്ഞ് ജർമ്മൻ സൂപ്പർമാർക്കറ്റുകൾ വളർത്തുമൃഗ പാർക്കിംഗ് പാഡുകൾ അവതരിപ്പിക്കുന്നതിനെക്കുറിച്ചുള്ള വാർത്തകൾ വനായിച്ച് പലരും ആഹ്ലാദത്തിലാണ്. നമ്മുടെ നാട്ടിൽ എന്നുവരുമെന്ന അന്വേഷിക്കുന്നവർ ഏറെയാണ്. കടകൾക്ക് പുറത്ത് സ്ഥാപിച്ചിരിക്കുന്ന ഈ കാലാവസ്ഥാ നിയന്ത്രിത സംവിധാനമുള്ള, വായുസഞ്ചാരമുള്ള കെന്നലുകളിൽ നായ്‌ക്കളെ സൂക്ഷിക്കാൻ ഏൽപ്പിക്കാം. ഉടമകൾ ഷോപ്പിംഗ് കഴിഞ്ഞ് മടങ്ങുംവരെ അവർ സുരക്ഷിതരയിരിക്കും.
‘ജർമ്മനിയിലെ വളർത്തുമൃഗ പാർക്കിംഗ് പാഡുകളെക്കുറിച്ച് ഞാൻ വായിച്ചപ്പോൾ, എന്തുകൊണ്ടാണ് നമുക്ക് ഇവിടെ ഇതുപോലുള്ള ഒന്ന് കിട്ടാത്തത് എന്ന് ഞാൻ ചിന്തിച്ചു?’വെന്ന് അഭിപ്രായപ്പെടുന്നവർ ഏറെയാണ്. വൈകാതെ നമ്മുടെ നാട്ടിലും ഈ സംവിധാനങ്ങൾ വന്നേക്കാം.
