തിരുവനന്തപുരം: രാഷ്ട്രപതി ദ്രൗപതി മുര്മുവിന്റെ സന്ദര്ശനത്തോടനുബന്ധിച്ച് തിരുവനന്തപുരം നഗരത്തില് ഇന്ന് ഉച്ചയ്ക്ക് 2 മണി മുതല് രാത്രി 8 മണി വരെയും നാളെ രാവിലെ 6.00 മുതല് രാത്രി 10 മണി വരെയും 23ന് രാവിലെ 6.00 മണി 12.30 മണി വരെയും ഗതാഗത നിയന്ത്രണങ്ങള് ഏര്പ്പെടുത്തി.
ഇന്ന് ഉച്ചയ്ക്ക് 2 മുതല് രാത്രി 8 വരെ ശംഖുംമുഖം, ആള്സെയിന്റ്സ്, ചാക്ക, പേട്ട, പള്ളിമുക്ക് പാറ്റൂര്, ജനറല് ആശുപത്രി, ആശാന് സ്ക്വയര്, വേള്ഡ്വാര്മ്യൂസിയം, വെള്ളയമ്പലം, കവടിയാര് റോഡിന്റെ ഇരുവശങ്ങളിലും വാഹനങ്ങള് പാര്ക്ക് ചെയ്യാന് അനുവദിക്കില്ല.
നാളെ രാവിലെ 6 മുതല് വൈകുന്നേരം 6 വരെ ശംഖുംമുഖം, ആള്സെയിന്റ്സ്, ചാക്ക, പേട്ട, പള്ളിമുക്ക്, പാറ്റൂര്, ജനറല് ആശുപത്രി, ആശാന് സ്ക്വയര്, വേള്ഡ്വാര്മ്യൂസിയം, വെള്ളയമ്പലം കവടിയാര് റോഡിന്റെ ഇരുവശങ്ങളിലും, വൈകിട്ട് 4 മണി മുതല് രാത്രി 10 മണി വരെ കവടിയാര് വെള്ളയമ്പലം ആല്ത്തറ, ശ്രീമൂലം ക്ലബ്, വഴുതക്കാട്, വിമന്സ്കോളജ് ജംഗ്ഷന്, മേട്ടുക്കട വരെയുള്ള റോഡിന്റെ ഇരുവശങ്ങളിലും വാഹനങ്ങള് പാര്ക്ക് ചെയ്യാന് അനുവദിക്കില്ല.
23ന് രാവിലെ 6 മുതല് ഉച്ചയ്ക്ക് 12.30 വരെ ശംഖുംമുഖം, ആള്സെയിന്റ്സ്, ചാക്ക, പേട്ട പള്ളിമുക്ക്, പാറ്റൂര്, ജനറല് ആശുപത്രി, ആശാന് സ്ക്വയര്, വേള്ഡ്വാര്മ്യൂസിയം, വെള്ളയമ്പലം കവടിയാര് റോഡിന്റെ ഇരുവശങ്ങളിലും വാഹനങ്ങള് പാര്ക്ക് ചെയ്യാന് അനുവദിക്കില്ല.
കൂടാതെ ഇന്നും നാളെയും 23നും ശംഖുംമുഖം, വലിയതുറ, പൊന്നറ, കല്ലുംമൂട്, ഈഞ്ചയ്ക്കല്, അനന്തപുരി ആശുപത്രി, ഈഞ്ചയ്ക്കല്, മിത്രാനന്ദപുരം, എസ് പി ഫോര്ട്ട്, ശ്രീകണ്ഠേശ്വരം, പാര്ക്ക് തകരപ്പറമ്പ്, മേല്പ്പാലം, ചൂരക്കാട്ടുപാളയം, തമ്പാനൂര് ഫ്ളൈഓവര്, തൈക്കാട്, വഴുതയ്ക്കാട്, വെള്ളയമ്പലം റോഡിലും നാളെ വെള്ളയമ്പലം, മ്യൂസിയം, കോര്പ്പറേഷന് ഓഫീസ്, രക്തസാക്ഷി മണ്ഡപം, ബേക്കറി ജംഗ്ഷന്, വിമന്സ്കോളജ് റോഡിലും 23ന് വെള്ളയമ്പലം, കവടിയാര്, കുറവന്കോണം, പട്ടം, കേശവദാസപുരം, ഉള്ളൂര്, ആക്കുളം, കുഴിവിള, ഇന്ഫോസിസ്, കഴക്കൂട്ടം വെട്ടുറോഡ് റോഡിലും വാഹനങ്ങള്ക്ക് നിയന്ത്രണങ്ങള് ഏര്പ്പെടുത്തിയിട്ടുള്ളതാണ്.
രാഷ്ട്രപതിയുടെ റൂട്ട് സമയത്ത് പ്രധാന റോഡില് വന്നു ചേരുന്ന ഇടറോഡുകളിലെ വാഹന ഗതാഗതത്തിന് നിയന്ത്രണമേര്പ്പെടുത്തുന്നതും ഗതാഗതം വഴിതിരിച്ചു വിടുന്നതുമാണ്.
വിമാനത്താവളത്തിലേക്ക് വരുന്ന യാത്രക്കാര് മുന്കൂട്ടി യാത്രകള് ക്രമീകരിക്കണം. ഡൊമസ്റ്റിക് എയര്പോര്ട്ടിലേക്ക് പോകുന്ന യാത്രക്കാര് വെണ്പാലവട്ടം, ചാക്ക ഫ്ളൈ ഓവര്, ഈഞ്ചക്കല്, കല്ലുംമൂട്, പൊന്നറ പാലം, വലിയതുറ വഴിയും ഇന്റര്നാഷണല് ടെര് മിനലിലേക്ക് പോകുന്ന യാത്രക്കാര് വെണ്പാലവട്ടം, ചാക്ക ഫ്ളൈ ഓവര്, ഈഞ്ചക്കല്, കല്ലുംമ്മൂട് അനന്തപുരി ആശുപത്രി, സര്വീസ് റോഡ് വഴിയും പോകണം.
ഗതാഗത ക്രമീകരണങ്ങളുടെ വിവരങ്ങള് അറിയുന്നതിലേക്ക് 9497930055, 04712558731 നമ്പറുകളില് ബന്ധപ്പെടാവുന്നതാണ്.
