കണ്ണൂര്‍: ശബരിമല വിഷയം വിവാദമാക്കാന്‍ ആർ എസ് എസ് ശ്രമിക്കുന്നുവെന്ന് മുഖ്യമന്ത്രി പിണറായി വിജയന്‍. ശബരിമലയില്‍ അയ്യപ്പനൊപ്പം വാവരുമുണ്ടെന്നും, ആർ എസ് എസ് അത് അംഗീകരിക്കുന്നില്ലെന്നുമാണ് മുഖ്യമന്ത്രി പറയുന്നത്. അതുകൊണ്ട് ശബരിമലയില്‍ ആര്‍എസ്എസ് പ്രശ്‌നങ്ങള്‍ ഉണ്ടാക്കുകയാണെന്നാണ് മുഖ്യമന്ത്രിയുടെ ഭാഷ്യം. വാവരെ കൊള്ളാത്തവനായി ചിത്രീകരിക്കാനാണ് ശ്രമമെന്നും പിണറായി ആരോപിച്ചു.
ഇത് ആര്‍ക്കെങ്കിലും അംഗീകരിക്കാന്‍ കഴിയുമോ. ശബരിമലയെ അംഗീകരിക്കുന്ന അയ്യപ്പനെ ആരാധിക്കുന്ന ആളുകള്‍ക്ക് തന്നെ അംഗീകരിക്കാനാകുന്നുണ്ടോ. ആർ എസ് എസിന് മേധാവിത്വം കിട്ടിയാല്‍ നഷ്ടപ്പെടുക ശബരിമലയുടെ സ്വഭാവമടക്കമാണ് എന്നാണ് പിണറായിയുടെ ആരോപണം.
ആര്‍എസ്എസിന് കേരളത്തില്‍ സ്വാധീനമില്ലാത്തതുകൊണ്ടാണ് അവര്‍ക്ക് ഇടപെടാന്‍ കഴിയാത്തത്. ആര്‍എസ്എസിന് മേധാവിത്വം വന്നാൽ മഹാബലിയെ വരെ നഷ്ടമാകുമെന്നുമൊക്കെ പിണറായി പ്രസംഗത്തിൽ പറയുന്നുണ്ട്. അതേസമയം സ്വർണ്ണപ്പാളി മോഷണക്കേസിൽ നിന്ന് ജനശ്രദ്ധ മാറ്റാനുള്ള പുതിയ ക്യാപ്സൂളാണ് മുഖ്യമന്ത്രി ഇറക്കുന്നതെന്നാണ് വിമർശനം.
