കൊല്ലം: കായലില്‍ ചാടിയ കോട്ടയം കാഞ്ഞിരപള്ളി സ്വദേശിനിയായ 22 കാരിയെ സാഹസികമായി രക്ഷപ്പെടുത്തി. കൊല്ലം ഓലയില്‍കടവ് പാലത്തില്‍ നിന്നാണ് യുവതി രാവിലെ 11 മണിയോടെ കായലിലേക്ക് ചാടിയത്.
സാമ്പ്രാണിക്കൊടിയിലേക്ക് സര്‍വീസ് നടത്തുകയായിരുന്ന ജലഗതാഗത വകുപ്പ് ബോട്ടിലെ ജീവനക്കാര്‍ യുവതി കായലിലേക്ക് ചാടുന്നത് കണ്ടു.ഉടന്‍ തന്നെ ബോട്ട് ജീവനക്കാര്‍ കായലിലേക്ക് ചാടി യുവതിയെ സാഹസികമായി രക്ഷപ്പെടുത്തുകയായിരുന്നു.
കായലില്‍ നിന്ന് യുവതിയെ രക്ഷപെടുത്തി ബോട്ടിലേക്ക് കയറ്റിയശേഷം ഉടന്‍ തന്നെ ആശുപത്രിയിലെത്തിച്ചു. യുവതിയെ ആദ്യം ജില്ലാ ആശുപത്രിയിലും പിന്നീട് കൊല്ലത്തെ സ്വകാര്യ ആശുപത്രിയിലും പ്രവേശിപ്പിച്ചു. യുവതിയുടെ ആരോഗ്യനില തൃപ്തികരമാണ്. യുവതി കായലിലേക്ക് ചാടിയതിന്റെ കാരണം വ്യക്തമല്ല.
