പത്തനംതിട്ട: ശബരിമല ദര്‍ശനത്തിനു പുറമെ രാഷ്‌ട്രപതി ദ്രൗപതി മുര്‍മുവിന് തിരുവനന്തപുരത്തും കൊച്ചിയിലും വര്‍ക്കലയിലും പാലായിലും തിരക്കിട്ട പരിപാടികള്‍.
21 ന് ചൊവ്വാഴ്ച ഉച്ചയ്‌ക്ക് 2.30ന് ഡല്‍ഹിയില്‍നിന്നു പ്രത്യേക വ്യോമസേനാ വിമാനത്തില്‍ തിരുവനന്തപുരത്തെത്തുന്ന രാഷ്‌ട്രപതി സ്വീകരണത്തിനു ശേഷം റോഡ് മാര്‍ഗം രാജ്ഭവനില്‍ എത്തും . അവിടയാണ് അന്ന് അത്താഴവും വിശ്രമവും.
22 ബുധന്‍: രാവിലെ 9.25ന് ഹെലികോപ്റ്ററില്‍ നിലയ്‌ക്കലിലേക്ക്. 11ന് പമ്പ, 11.50-ന് ശബരിമല. ക്ഷേത്ര ദര്‍ശനത്തിനുശേഷം ശബരിമല ഗസ്റ്റ് ഹൗസില്‍ ഉച്ചഭക്ഷണം, വിശ്രമം. വൈകുന്നേരം 4.20ന് ഹെലികോപ്റ്ററില്‍ തിരുവനന്തപുരത്തേക്ക്. രാജ്ഭവനില്‍ അത്താഴം, വിശ്രമം
23 വ്യാഴം: രാവിലെ 10.30ന് രാജ്ഭവന്‍ അങ്കണത്തില്‍ കെ.ആര്‍. നാരായണന്റെ അര്‍ധകായ പ്രതിമ അനാച്ഛാദനം.11.55ന് വര്‍ക്കല, 12.50ന് ശിവഗിരിയില്‍ ശ്രീനാരായണ ഗുരു മഹാസമാധി ശതാബ്ദിയില്‍ മുഖ്യാതിഥി. ഉച്ചയ്‌ക്ക് ശിവഗിരിയില്‍ ഉച്ചഭക്ഷണം. ഉച്ചകഴിഞ്ഞ് 3.50ന് പാലാ സെന്റ് തോമസ് കോളേജ് ഗ്രൗണ്ടിലെത്തും. വൈകുന്നേരം 4.15ന് പാലാ സെന്റ് തോമസ് കോളേജ് പ്ലാറ്റിനം ജൂബിലിയില്‍ മുഖ്യാതിഥിയാവും. 5.10ന് ഹെലികോപ്റ്ററില്‍ കോട്ടയത്തേക്ക്. 6.20ന് കുമരകം താജ് റിസോര്‍ട്ടിലെത്തി താമസം, അത്താഴം.
24 വെള്ളി: രാവിലെ 11ന് കോട്ടയത്തു നിന്നു ഹെലികോപ്റ്ററില്‍ കൊച്ചിയിലേക്ക്. ഉച്ചയ്‌ക്ക് 11.35ന് കൊച്ചി നാവിക വിമാനത്താവളത്തില്‍ സ്വീകരണം.
11.50ന് റോഡുമാര്‍ഗം എറണാകുളത്തേക്ക്. 12.10ന് എറണാകുളം സെന്റ് തെരേസാസ് കോളേജ് ശതാബ്ദിആഘോഷത്തില്‍ മുഖ്യാതിഥിയാവും.1.10ന് ബോള്‍ഗാട്ടി പാലസ് ഹോട്ടലില്‍ ഉച്ചഭക്ഷണം. വൈകുന്നേരം 3.45ന് നാവിക സേനാ വിമാനത്താവളത്തില്‍നിന്ന് ഹെലികോപ്റ്ററില്‍ നെടുമ്പാശേരിയിലേക്ക്. 4.15ന് പ്രത്യേക വ്യോമസേനാ വിമാനത്തില്‍ ഡല്‍ഹിയിലേക്ക് മടക്കം.
