ചെന്നൈ: മധ്യപ്രദേശില് 22 കുട്ടികളുടെ മരണവുമായി ബന്ധപ്പെട്ട് കോള്ഡ്രിഫ് കഫ് സിറപ്പ് നിര്മ്മാതാക്കളായ ശ്രേസന് ഫാര്മയുമായും ചെന്നൈയിലെ തമിഴ്നാട് ഡ്രഗ്സ് കണ്ട്രോള് ഓഫീസിലെ ഉന്നത ഉദ്യോഗസ്ഥരുമായും ബന്ധപ്പെട്ട സ്ഥാപനങ്ങളില് എന്ഫോഴ്സ്മെന്റ് ഡയറക്ടറേറ്റ് റെയ്ഡ് നടത്തി.
മായം ചേര്ത്ത ചുമ സിറപ്പ് ഉല്പ്പാദിപ്പിക്കുന്നതിന് ഉത്തരവാദിയായ കാഞ്ചീപുരം ആസ്ഥാനമായുള്ള കമ്പനിയായ ശ്രേസന് ഫാര്മസ്യൂട്ടിക്കല്സിന്റെ നിര്മ്മാണ ലൈസന്സ് സര്ക്കാര് റദ്ദാക്കുകയും കമ്പനി അടച്ചുപൂട്ടാന് ഉത്തരവിടുകയും ചെയ്തിരുന്നു.
രാജ്യത്തെ വിവിധ സംസ്ഥാനങ്ങളില് കോള്ഡ്രിഫ് സിറപ്പ് വിതരണം ചെയ്തിരുന്നു. സിറപ്പില് വിഷാംശമുള്ള ഡൈഎത്തിലീന് ഗ്ലൈക്കോളിന്റെ മാരകമായ അളവ് കണ്ടെത്തിയിരുന്നു.ഇതാണ് മരണകാരണമായത്.
