തിരുവനന്തപുരം: ശബരിമല സ്വര്‍ണ മോഷണവുമായി ബന്ധപ്പെട്ട് ദേവസ്വം ഭരണ സമിതിയുടെ വീഴ്ചയില്‍ അന്വേഷണം നടക്കട്ടെയെന്ന് മുഖ്യമന്ത്രി.അന്വേഷണത്തിന് ശേഷം നടപടികള്‍ ഉണ്ടാകുമെന്നതില്‍ ഒരു ആശങ്കയും വേണ്ട. സര്‍ക്കാറല്ല വീഴ്ച വിലയിരുത്തേണ്ടത്. ആരാണ് വിലങ്ങ് അണിയാതെയും അണിഞ്ഞും ജയിലിലേക്ക് പോകുന്നത് എന്ന് നോക്കാമെന്നും മുഖ്യമന്ത്രി വാര്‍ത്താ സമ്മേളനത്തില്‍ പറഞ്ഞു.
ഭിന്നശേഷി സംവരണം എല്ലാ സ്‌കൂള്‍ മാനേജ്‌മെന്റിനും നല്‍കണമെന്നാണ് സര്‍ക്കാര്‍ അഭിപ്രായം. ഇത് സുപ്രീംകോടതിയെ അറിയിക്കാന്‍ ഇന്ന് ചേര്‍ന്ന യോഗം തീരുമാനിച്ചു. എയ്ഡഡ് സ്‌കൂള്‍ ദിന്നശേഷി അധ്യാപക നിയമനം എല്ലാ വിഭാഗങ്ങള്‍ക്കും നല്‍കണമെന്ന് മുഖ്യമന്ത്രി പറഞ്ഞു.എല്ലാ വിഭാഗത്തിനും ഇതില്‍ പരാതി ഉണ്ട്. പലരും കോടതിയില്‍ പോയിട്ടുണ്ട്.
സര്‍ക്കാരിന് ഭിന്നശേഷി സംവരണത്തില്‍ ഏകപക്ഷീയ നടപടി സ്വീകരിക്കാന്‍ കഴിയില്ല. സുപ്രീംകോടതി സര്‍ക്കാര്‍ തീരുമാനം അംഗീകരിക്കുമെന്നാണ് കരുതുന്നതെന്ന് മുഖ്യമന്ത്രി കൂട്ടിച്ചേര്‍ത്തു.
