കോഴിക്കോട്: യുവതി ജീവനൊടുക്കിയ സംഭവത്തില് അന്വേഷണം ആവശ്യപ്പെട്ട് കുടുംബം. കാരശ്ശേരി കൂമ്പറ നെടുങ്ങോട് റംഷിദിന്റെ ഭാര്യ ഷഹര്ബാന്റെ (28) മരണത്തിലാണ് കുടുംബം ദുരൂഹത ആരോപിക്കുന്നത്. ഭര്ത്താവ് ഉപദ്രവിക്കുകയും വീട്ടുകാര് മോശമായി പെരുമാറുകയും ചെയ്തിരുന്നുവെന്നും 14 പവന് സ്വര്ണവും മഹറും വീട്ടുകാര് എടുത്തുവെന്നും മാതാവ് താമരശ്ശേരി ഡിവൈഎസ്പിക്ക് നല്കിയ പരാതിയില് പറയുന്നു. അന്വേഷണം നടത്തി മകളെ ആത്മഹത്യക്ക് പ്രേരിപ്പിച്ചവരെ കണ്ടെത്തി കേസെടുക്കണമെന്നാണ് ആവശ്യം.
രണ്ടുകുട്ടികളുടെ മാതാവായ ഷഹര്ബാനെ ഭര്തൃവീട്ടില് തൂങ്ങിമരിച്ചനിലയില് കണ്ടെത്തുകയായിരുന്നു. കട്ടിലില് മുട്ടുകുത്തിനില്ക്കുന്ന നിലയിലായിരുന്നു മൃതദേഹം. മരണശേഷം ഷഹര്ബാന്റെ ഫോണിലെ മെസേജുകള് ഭര്തൃവീട്ടുകാര് മകളെക്കൊണ്ട് ഡിലീറ്റ് ചെയ്യിച്ചിപ്പിച്ചുവെന്നും പരാതിയില് ചൂണ്ടിക്കാട്ടുന്നുണ്ട്.
