തിരുവനന്തപുരം: പെരിങ്ങമ്മല ഇക്ബാല് കോളേജില് എസ്.എഫ്.ഐ. കെ.എസ്.യു. വിദ്യാര്ഥികള് തമ്മില് കടുത്ത സംഘര്ഷം. യൂണിയന് തെരഞ്ഞെടുപ്പിന്റെ ഫലപ്രഖ്യാപനത്തിന് തൊട്ടുമുമ്പായി വിദ്യാര്ഥികള് തമ്മില് ഏറ്റുമുട്ടിയത്.
സ്ഥലത്തെത്തിയ പൊലീസ് ലാത്തി വീശി രംഗം ശാന്തമാക്കി.കോളേജ് യൂണിയന് തെരഞ്ഞെടുപ്പില് മുഴുവന് ജനറല് സീറ്റുകളിലും കെ.എസ്.യു. വിജയിച്ചതിന് പിന്നാലെയാണ് സംഘര്ഷം ഉണ്ടായത്. കെ.എസ്.യു വിജയാഘോഷത്തിനിടെ പ്രകോപനപരമായ മുദ്രാവാക്യം വിളിച്ചതാണ് സംഘര്ഷത്തിന് കാരണമായതെന്നാണ് റിപ്പോര്ട്ടുകള്.
ഇരുവിഭാഗത്തിലേയും ഏതാനും വിദ്യാര്ഥികള്ക്ക് പരിക്കേറ്റതായാണ് വിവരം. സംഘര്ഷ സാധ്യത കണക്കിലെടുത്ത് കോളേജ് പരിസരത്ത് പൊലീസ് സുരക്ഷ ശക്തമാക്കി.
