ദൽഹിപോലീസിൽ ചേരാം; എസ്എസ് സി അപേക്ഷ ക്ഷണിച്ചു

ന്യൂദൽഹി: ദൽഹി പോലീസിൽ വിവിധ തസ്തികയിൽ ഒഴിവുകൾ: സ്റ്റാഫ് സെലക്ഷൻ കമ്മീഷൻ അപേക്ഷ ക്ഷണിച്ചു. ഹെഡ് കോൺസ്റ്റബിൾ (അസിസ്റ്റന്റ് വയർലെസ് ഓപ്പറേറ്റർ (AWO)/ടെലി-പ്രിന്റർ ഓപ്പറേറ്റർ (TPO), കോൺസ്റ്റബിൾ (ഡ്രൈവർ), കോൺസ്റ്റബിൾ (എക്‌സിക്യൂട്ടീവ്) തസ്തികകളിലേക്ക് 2025ലെ കമ്പ്യൂട്ടർ അധിഷ്ഠിത പൊതു പരീക്ഷയ്‌ക്ക് സ്റ്റാഫ് സെലക്ഷൻ കമ്മീഷൻ വഴിയാണ് അപേക്ഷിക്കേണ്ടത്. ഹെഡ് കോൺസ്റ്റബിൾ (അസിസ്റ്റന്റ് വയർലെസ് ഓപ്പറേറ്റർ (AWO)/ടെലി-പ്രിന്റർ ഓപ്പറേറ്റർ (TPO), കോൺസ്റ്റബിൾ (ഡ്രൈവർ) തസ്തികകളിലേക്ക് സയൻസ്, മാത്തമാറ്റിക്‌സ് എന്നിവ ഉൾപ്പെടുന്ന പ്ലസ് ടുവാണ് അടിസ്ഥാന വിദ്യാഭ്യാസ യോഗ്യത,

അപേക്ഷ സ്വീകരിക്കുന്ന അവസാന തീയതി 2025 ഒക്ടോബർ 15 ആണ്. കോൺസ്റ്റബിൾ (എക്‌സിക്യൂട്ടീവ്) തസ്തികയിലേക്ക് പ്ലസ് ടുവാണ് അടിസ്ഥാന വിദ്യാഭ്യാസ യോ?ഗ്യത, 2025 ഒക്ടോബർ 21 വരെ അപേക്ഷിക്കാം. സ്ത്രീ ഉദ്യോഗാർത്ഥികൾ/എസ്സി/എസ്ടി/വിമുക്തഭടന്മാർ എന്നിവരെ പരീക്ഷാ ഫീസിൽ നിന്ന് ഒഴിവാക്കിയിട്ടുണ്ട്. പ്രായം, പരീക്ഷയുടെ സ്‌കീം, സിലബസ് മറ്റ് വിശദാംശങ്ങൾ എന്നിവയ്‌ക്കായി ഉദ്യോഗാർത്ഥികൾ https://ssc.gov.in എന്ന വെബ്സൈറ്റ് സന്ദർശിക്കുക.