കോട്ടയം: കൊലക്കേസില് ജാമ്യത്തില് കഴിയവെ വടിവാളുമായി മാരക മയക്കുമരുന്നായ മെത്തഫിറ്റാമിന് വില്പ്പനക്കിറങ്ങിയ യുവാവിനെ എക്സൈസ് പിടികൂടി. വേളൂര് കാരാപ്പുഴ വാഴപ്പറമ്പില് ആദര്ശ് (27) ആണ് അറസ്റ്റിലായത്. ഇയാളില് നിന്ന് 0.7 ഗ്രാം മെത്തഫിറ്റാമിന്, 8 ഗ്രാം കഞ്ചാവ്, വടിവാള് എന്നിവ പിടിച്ചെടുത്തു. എക്സൈസ് ഇന്സ്പെക്ടര് ഫിലിപ്പ് തോമസിന്റെ നേതൃത്വത്തിലുള്ള കോട്ടയം എക്സൈസ് റേഞ്ച് ടീം അറസ്റ്റ് ചെയ്തു.
പട്രോളിങ്ങിനിടെ സംശയകരമായ സാഹചര്യത്തില് കണ്ട്, ചോദ്യം ചെയ്തപ്പോഴാണ് മയക്കുമരുന്ന് വില്പ്പനക്കാരനാണെന്ന് വ്യക്തമായത്. ഇയാള് നിരവധി ക്രിമിനല്, മയക്കുമരുന്ന് കേസുകളില് പ്രതിയാണ്.
