തിരുവനന്തപുരം: ഓരോ മലയാളിക്കും അഭിമാനിക്കാവുന്ന നേട്ടമാണ് മോഹന്‍ലാല്‍ സ്വന്തമാക്കിയിരിക്കുന്നതെന്ന് മുഖ്യമന്ത്രി പിണറായി വിജയന്‍. മലയാളസിനിമയുടെ ചരിത്രത്തിലെ സുവര്‍ണ നേട്ടമാണ് ഇത്. ശതാബ്ദിയോട് അടുത്ത മലയാളസിനിമയില്‍ അരനൂറ്റാണ്ടോളമായി മോഹന്‍ലാല്‍ നിറഞ്ഞാടുന്നു.
ദാദാസാഹേബ് ഫാല്‍ക്കേ പുരസ്‌കാരം നേടിയ മോഹന്‍ലാലിനെ സംസ്ഥാന സര്‍ക്കാര്‍ ആദരിക്കുന്ന പരിപാടിയിലാണ് മുഖ്യമന്ത്രി ഇങ്ങനെ പറഞ്ഞത്. സെന്‍ട്രല്‍ സ്റ്റേഡിയത്തിലെ പരിപാടി മുഖ്യമന്ത്രി പിണറായി വിജയന്‍ ഉദഘാടനം ചെയ്തു.
മോഹന്‍ലാലിലൂടെ മലയാളം വാനോളം ഉയര്‍ന്നുവെന്ന് സാംസ്‌കാരിക വകുപ്പ് മന്ത്രി സജി ചെറിയാന്‍ പറഞ്ഞു. മോഹന്‍ലാല്‍ മലയാളത്തിന്റെ ആത്മസ്പന്ദനമാണെന്നും അദ്ദേഹം കൂട്ടിച്ചേര്‍ത്തു. കേരളം ഒന്നടങ്കം ലാല്‍ സലാം പറയുന്നുവെന്നും മന്ത്രി പറഞ്ഞു.
