കൊച്ചി : ദൈവങ്ങൾക്ക് വിശ്വാസികൾ വലിയ വില കൂടിയ സ്വർണം, രത്നം എന്നിവ വഴിപാടായി സമർപ്പിക്കരുതെന്ന് നടൻ സന്തോഷ് പണ്ഡിറ്റ് . ആ പണം എടുത്ത് ഏതെങ്കിലും പാവപെട്ട മിടുക്കരായ കുട്ടികളെ പഠിപ്പിക്കുകയോ അല്ലെങ്കിൽ നമ്മുടെ നാട്ടിലെ ചെറിയ ക്ഷേത്രങ്ങളിൽ വേദങ്ങളും , സംസ്കൃതവും പഠിപ്പിക്കുകയോ ചെയ്യണമെന്നും സന്തോഷ് പണ്ഡിറ്റ് പറയുന്നു. മാത്രമല്ല ദേവസ്വo ബോര്ഡിന് സ്വർണം നഷ്ടപ്പെട്ട വിഷയത്തിൽ കൃത്യമായ ഉത്തരം ഇല്ലെങ്കിൽ അത് പിരിച്ചവിട്ടു, കേന്ദ്ര സർക്കാർ ശബരിമലയുടെ മേൽനോട്ടം ഏറ്റെടുക്കണമെന്നും സന്തോഷ് പണ്ഡിറ്റ് പറയുന്നു.
ഫേസ്ബുക്ക് പോസ്റ്റിന്റെ പൂർണ്ണരൂപം
പണ്ഡിറ്റിന്റെ രാഷ്ടീയ നിരീക്ഷണം
ദൈവത്തിന്റെ പേരിൽ പലരും പലതും അടിച്ചു മാറ്റുന്നത് കേട്ടിട്ടുണ്ട്.. ഇതിപ്പോ ദൈവത്തിനെ തന്നെ അടിച്ചു മാറ്റിയ അവസ്ഥയായി..
ശബരിമലയിലെ ചുരുങ്ങിയത് 4kg സ്വർണം (സ്വർണപാളി) കളവ് പോയി എന്ന വാർത്ത കേട്ട് ഞെട്ടിപ്പോയി.
ഈ സംഭവങ്ങൾക്ക് ശരിക്കും ആർക്കാണ് ഉത്തരവാദിത്വം ഉള്ളത് ? ഇതിനൊക്കെ ശരിക്കും ആരാണ് മറുപടി പറയേണ്ടത് ? സ്വർണപാളി കൊണ്ടുപോകുമ്പോൾ
സുതാര്യത ഇല്ല.
നടപടി ക്രമങ്ങൾ പാലിച്ചില്ല. ഇതിന് മുമ്പും സ്വർണം അടിച്ചു മാറ്റിയോ? ശബരിമലയിൽ നിന്നും കൊണ്ട് പോയി 38 ദിവസം അത് എന്തു ചെയ്തു ?ഉണ്ണി കൃഷ്ണൻ പൊറ്റിക്ക് ശബരിമലയിൽ എന്താണ് ഡ്യൂട്ടി? ഉണ്ണി കൃഷ്ണനെ പോറ്റുന്നത് ആര് ? അതല്ല അദ്ദേഹം ഒരു കരുവാണോ ?
.ദൈവങ്ങൾക്ക് ഇനിയെങ്കിലും വിശ്വാസികൾ വലിയ വില കൂടിയ സ്വർണം, രത്നം etc സമർപ്പിക്കരുത്. ചെറിയ സംഭാവന മാത്രമേ കൊടുക്കാവൂ. വലിയ തുക കൊടുക്കരുത്. ആ പണമൊക്കെ എടുത്ത് ഏതെങ്കിലും പാവപെട്ട മിടുക്കരായ കുട്ടികളെ പഠിപ്പിക്കുകയോ അല്ലെങ്കിൽ നമ്മുടെ നാട്ടിലെ ചെറിയ ക്ഷേത്രങ്ങളിൽ “ഭഗവത് ഗീത”, വേദങ്ങൾ, സംസ്കൃതം പഠിപ്പിക്കുവാനോ , അതുമല്ലെങ്കിൽ ആത്മഹത്യയുടെ വക്കിൽ നിൽകുന്ന പാവപെട്ട ആളുകൾക്ക് എന്തെങ്കിലും തൊഴിൽ ചെയ്ത് ജീവിക്കുവാൻ ചെറിയ സഹായങ്ങൾ ചെയ്യുകയോ, മറ്റു വല്ല നല്ല കാര്യങ്ങൾക്കോ ഉപയോഗിക്കുക. പുണ്യം കിട്ടും. അല്ലാതെ നിങ്ങൾ ഭഗവാന് നൽകുന്ന വിലകൂടിയ കാര്യങ്ങൾ ചിലർ അടിച്ചു മാറ്റുവാനായി നൽകണോ ?
(വാൽ കഷ്ണം…സ്വർണ്ണം അടിച്ചു മാറ്റി, പകരം ചെമ്പ് വച്ചു, അത് ചെയ്തത് ആര് എന്നത് മാത്രമാണ് അവശേഷിക്കുന്ന ചോദ്യം..
ദേവസ്വo ബോര്ഡിന് സ്വർണം നഷ്ടപ്പെട്ട വിഷയത്തിൽ കൃത്യമായ ഉത്തരം ഇല്ലെങ്കിൽ അത് പിരിച്ചവിട്ടു, കേന്ദ്ര സർക്കാർ ശബരിമലയുടെ മേൽനോട്ടം ഏറ്റെടുക്കണം….)
സ്വാമി ശരണം
