കോട്ടയം: 35 വര്‍ഷമായി എസ്എന്‍ഡിപിയോഗം ജനറല്‍ സെക്രട്ടറിയായിരിക്കുന്ന വെള്ളാപ്പളളി നടേശന്‍ സമുദായത്തിന് ഇതുവരെ ഒന്നും നേടാന്‍ കഴിഞ്ഞില്ലെന്ന് പറയുന്നത് മലര്‍ന്ന് കിടന്ന് തുപ്പുന്നതിന് തുല്യമാണെന്ന് തൃണമൂല്‍ കോണ്‍ഗ്രസ് സംസ്ഥാന കണ്‍വീനര്‍ പി.വി അന്‍വര്‍. സമുദായത്തിന് ലഭ്യമാകേണ്ട എല്ലാ സാധ്യതകളും ഉപയോഗപ്പെടുത്തി വളരേണ്ടതിന് പകരം സ്വയം വളരാനാണ് വെള്ളാപ്പള്ളി ശ്രമിച്ചത്. ഇതിന്റെ പരിണിതഫലമാണ് സമുദായത്തിന്റെ പിന്നോക്കാവസ്ഥയ്‌ക്ക് കാരണം. നിലമ്പൂര്‍ ഉപതിരഞ്ഞെടുപ്പ് സമയത്താണ് മലപ്പുറം ജില്ലക്കെതിരെ വര്‍ഗീയ ആരോപണങ്ങളുമായി വെള്ളാപ്പള്ളി വേദികളിലെത്തിയത്. കോട്ടയത്ത് എത്തിയപ്പോള്‍ അത് ക്രൈസ്തവ സമൂഹത്തിന് എതിരായ ആരോപണമായി മാറി.
ആഗോള അയ്യപ്പ സംഗമത്തില്‍ പിണറായിയെ പേടിയുള്ളവര്‍ മാത്രമാണ് സ്റ്റേജിലുണ്ടായിരുന്നത്. ജാതീയ, വര്‍ഗീയ ഇടപെടല്‍ നടത്തി മൂന്നാമതും അധികാരത്തില്‍ വരാനുള്ള വഴി തേടുകയാണ് പിണറായി വിജയന്‍.
അദ്ദേഹം പറഞ്ഞു.
