തിരുവനന്തപുരം: സ്‌കൂള്‍ കുട്ടികളുടെ സുരക്ഷയെ മുന്‍നിര്‍ത്തിയാണ് വിദ്യാഭ്യാസ സ്ഥാപനങ്ങളിലെ വാഹനങ്ങളില്‍ മുന്‍വശത്തും പുറകിലും അകത്തും കാമറ വെക്കണമെന്ന് ട്രാന്‍സ്‌പോര്‍ട്ട് കമ്മീഷണര്‍ നിര്‍ദ്ദേശം നല്‍കിയിരിക്കുന്നതെന്നും ആ നിര്‍ദ്ദേശം പിന്‍വലിക്കണമെന്ന ആവശ്യം പരിഗണിക്കാനാകില്ലെന്നും പൊതുവിദ്യാഭ്യാസ വകുപ്പ് മന്ത്രി വി ശിവന്‍കുട്ടി അറിയിച്ചു. ഗതാഗത വകുപ്പ് മന്ത്രി കെ. ബി. ഗണേഷ്‌കുമാര്‍ നിയമസഭയില്‍ ഇതു സംബന്ധിച്ച് നിര്‍ദേശം പ്രഖ്യാപിച്ചിരുന്നു. ഈ അധ്യയന വര്‍ഷം സ്‌കൂള്‍ ബസുകള്‍ ഫിറ്റ്‌നസ് പരിശോധനയ്‌ക്കു കൊണ്ടുവരുമ്പോള്‍ കാമറകള്‍ സ്ഥാപിച്ചിരിക്കണമെന്ന് മന്ത്രി വ്യക്തമാക്കിയിരുന്നതാണ്. എന്നാല്‍ ചില കോണുകളില്‍ നിന്ന് ഇതിനെതിരെ എതിര്‍പ്പ് രൂക്ഷമായ സാഹചര്യത്തിലാണ് വിദ്യാഭ്യാസ മന്ത്രിയും ഇക്കാര്യം കര്‍ക്കശമായി നടപ്പാക്കുമെന്ന് പ്രഖ്യാപിച്ചത്.
