കോട്ടയം : കോട്ടയം നാഗമ്പടത്ത് നാലുവയസുകാരനടക്കം 11 പേരെ കടിച്ച തെരുവ് നായ ചത്തതോടെ കടിയേറ്റവര് ആശങ്കയിലായി. കോടിമതയിലെ എ.ബി.സി സെന്ററില് നിരീക്ഷണത്തിലായിരുന്നു നായ. ജഡം പോസ്റ്റ്മോര്ട്ടത്തിനായി മാറ്റി. റിപ്പോര്ട്ട ലഭിച്ചാലേ പേവിഷബാധ ഉറപ്പാക്കാനാവൂ. നായ പേ വിഷബാധയുടെ ലക്ഷണങ്ങള് കാണിച്ചതായി അറിയുന്നു. കടിയേറ്റവര് മുടങ്ങാതെ കുത്തിവെപ്പ് എടുക്കമെന്ന് അധികൃതര് നിര്ദേശിച്ചു.
ബുധനാഴ്ച രാത്രി കുര്യന് ഉതുപ്പ് റോഡിലാണ് നായ 11 പേരെ കടിച്ചത്. തുടന്ന് നായയെ പിടികൂടി എ.ബി.സി കേന്ദ്രത്തിലേക്കു മാറ്റി. കുറിച്ചി ഷാജി വില്ലയില് അജീഷയുടെയും ശിവയുടെയും മകന് നാലുവയസുകാരന് അര്ഷിതിനാണ് ഇന്ഡോര് സ്റ്റേഡിയത്തിനു സമീപം വച്ച് ആദ്യം കടിയേറ്റത്.
പള്ളം സ്വദേശി നിധിന് (29), അയര്ക്കുന്നം സ്വദേശികളായ രാഹുല് (29), ഏലിയാസ് (53), പി.ടി. ഷാജി (49), കൈനടി സ്വദേശി പ്രതിഭ (17), ചങ്ങനാശേരി സ്വദേശി വിനീഷ് (18), തിരുവനന്തപുരം സ്വദേശി ഷാക്കീര് (35), ഇതരസംസ്ഥാനത്തൊഴിലാളികളായ ലുക്കു (42), ദിനേശ് കുമാര് (30), പത്തനംതിട്ട ആനയടി സ്വദേശി പി. പത്മലോചന് (65) എന്നിവര്ക്കും കടിയേറ്റു.
