കോട്ടയം: സിമ്മില്ലാത്ത പഴയ ഫോണ്‍ പണയമായി നല്‍കി ഭിന്നശേഷിക്കാരനായ ലോട്ടറി വില്‍പ്പനക്കാരനില്‍ നിന്ന് 5000 രൂപ വിലവരുന്ന ലോട്ടറി ടിക്കറ്റുകള്‍ തട്ടിയെടുത്ത സംഭവത്തില്‍ പൊലീസ് അന്വേഷണം ഊര്‍ജിതമാക്കി. കോട്ടയം ഗാന്ധി സ്‌ക്വയറിന് സമീപം ഫുട്പാത്തില്‍ ലോട്ടറി വില്‍പ്പന നടത്തന്ന ആന്ധ്ര സ്വദേശി അയൂബിനെ പറ്റിച്ച് 10 ഓണം ബമ്പര്‍ ടിക്കറ്റുകളാണ് തട്ടിയെടുത്തത്.
ഒരാള്‍ 10 ലോട്ടറി ടിക്കറ്റുകള്‍ എടുക്കുകയും എടിഎമ്മില്‍ നിന്ന് പണം എടുത്തു വരുംവരെ മൊബൈല്‍ ഫോണ്‍ ഉറപ്പിനായി നല്‍കുകയുമായിരുന്നു. ഏറെക്കഴിഞ്ഞിട്ടും അയാള്‍ എത്താഞ്ഞതിനെത്തുടര്‍ന്ന് അയൂബ് പൊലീസ് സ്‌റ്റേഷനിലെത്തി പരാതിപ്പെട്ടു. സിമ്മില്ലാത്ത ഫോണാണ് ഇയാള്‍ നല്‍കിയതെന്ന് പരിശോധനയില്‍ വ്യക്തമാക്കി. സ്ഥലത്തെ സിസിടിവി ദൃശ്യങ്ങള്‍ പോലീസിന് ലഭിച്ചിട്ടുണ്ട്.
