ചിങ്ങവനം-കോട്ടയം സെക്ഷനിലെ പാലത്തില്‍ അറ്റകുറ്റപ്പണി: ട്രെയിനുകള്‍ ആലപ്പുഴ വഴി തിരിച്ചുവിടും

തിരുവനന്തപുരം : ചിങ്ങവനം-കോട്ടയം സെക്ഷനിലെ പാലത്തില്‍ അറ്റകുറ്റപ്പണി നടക്കുന്ന സാഹചര്യത്തില്‍ ആറ് ട്രെയിനുകള്‍ ആലപ്പുഴ വഴി തിരിച്ചുവിടും. 19, 20, 21 തീയതികളിലാണ് നിയന്ത്രണം.അഞ്ചു ട്രെയിനുകള്‍ ഭാഗികമായി റദ്ദാക്കി.

തിരുവനന്തപുരം നോര്‍ത്ത് ശ്രീ ഗംഗാനഗര്‍ വീക്ക്ലി എക്‌സ്പ്രസ്(16312), സെന്‍ട്രല്‍ എംജിആര്‍ ചെന്നൈ സെന്‍ട്രല്‍ സൂപ്പര്‍ഫാസ്റ്റ് എക്‌സ്പ്രസ്12624), തിരുവനന്തപുരം നോര്‍ത്ത് എസ്എംവിടി ബെംഗളൂരു ഹംസഫര്‍ എക്‌സ്പ്രസ്(16319), കന്യാകുമാരി ദിബ്രുഗഡ് വിവേക് എക്‌സ്പ്രസ്(22503), തിരുവനന്തപുരം സെന്‍ട്രല്‍ മധുര അമൃത എക്‌സ്പ്രസ്(16343), തിരുവനന്തപുരം സെന്‍ട്രല്‍ മംഗളൂരു സെന്‍ട്രല്‍ എക്‌സ്പ്രസ്(16347 ) എന്നീ ട്രെയിനുകളാണ് ആലപ്പുഴ വഴി തിരിച്ചുവിടുക. സെപ്തംബര്‍ 20നാണ് ട്രെയിനുകള്‍ വഴി തിരിച്ചുവിടുന്നത്.

മധുര ഗുരുവായൂര്‍ എക്‌സ്പ്രസ്(16327) സെപ്തംബര്‍ 20ന് കൊല്ലത്ത് യാത്ര അവസാനിപ്പിക്കും. കൊല്ലത്തിനും ഗുരുവായൂരിനും ഇടയിലുള്ള സര്‍വീസ് ഭാഗികമായി റദ്ദാക്കി. ഗുരുവായൂര്‍ മധുര എക്‌സ്പ്രസ്(16328) സെപ്തംബര്‍ 21ന് ഗുരുവായൂരിനും കൊല്ലത്തിനും ഇടയ്‌ക്കുള്ള സര്‍വീസ് റദ്ദാക്കി. പകരം കൊല്ലത്ത് നിന്ന് ഉച്ചയ്‌ക്ക് 12:10-ന് യാത്ര തുടങ്ങും. നാഗര്‍കോവില്‍ കോട്ടയം എക്‌സ്പ്രസ്(16366) സെപ്തംബര്‍ 20ന് ചങ്ങനാശേരിയില്‍ യാത്ര അവസാനിപ്പിക്കും. ചങ്ങനാശേരിക്കും കോട്ടയത്തിനും ഇടയില്‍ സര്‍വീസ് ഉണ്ടാകില്ല.

എംജിആര്‍ ചെന്നൈ സെന്‍ട്രല്‍ തിരുവനന്തപുരം സെന്‍ട്രല്‍ സൂപ്പര്‍ഫാസ്റ്റ് എക്‌സ്പ്രസ്(12696) സെപ്തംബര്‍ 20ന് കോട്ടയത്ത് യാത്ര അവസാനിപ്പിക്കും. കോട്ടയത്തിനും തിരുവനന്തപുരം സെന്‍ട്രലിനും ഇടയിലുള്ള സര്‍വീസ് ഭാഗികമായി റദ്ദാക്കി.