ന്യൂദല്ഹി: മുഗളന്മാര് ഛേദിച്ച് വിഷ്ണുഭഗവാന്റെ വിഗ്രഹത്തിലെ ശിരസ്സ് പുനസ്ഥാപിക്കണമെന്ന് ആവശ്യപ്പെട്ട് നല്കിയ ഹര്ജി തള്ളി സുപ്രീംകോടതി. പകരം വിഷ്ണുഭഗവാനോട് പോയി പ്രാര്ത്ഥിക്കാനായിരുന്നു സുപ്രീംകോടതി ചീഫ് ജസ്റ്റിസ് ബി.ആര്. ഗവായി പരാതിക്കാരനോട് നിര്ദേശിച്ചത്.
മധ്യപ്രദേശിലെ ഖജുരാഹോവില് ഉള്ളതാണ് ഈ ഏഴടി ഉയരമുള്ള വിഷ്ണുഭഗവാന്റെ ശിരസ്സറ്റ വിഗ്രഹം. ഈ വിഗ്രഹം പുതുക്കിപ്പണിയാന് ഇതുവരെ ശ്രമം ഉണ്ടായിട്ടില്ല. രാകേഷ് ദലാല് എന്ന പരാതിക്കാരന് പറഞ്ഞത് മുഗള് ആക്രമണകാലത്താണ് ഈ വിഗ്രഹത്തിന്റെ ശിരസ്സറ്റത് എന്നാണ്.
എന്നാല് ഇത് സുപ്രീംകോടതിയുടെ അധികാരപരിധിയില് പെടുന്നതല്ലെന്നും ആര്ക്കിയോളജിക്കല് സര്വ്വേ ഓഫ് ഇന്ത്യയാണ് ഇക്കാര്യം തീരുമാനിക്കേണ്ടത് എന്നുമായിരുന്നു ചീഫ് ജസ്റ്റിസിന്റെ മറുപടി.
