ഇടുക്കി:കുടുംബ വഴക്കിനെ തുടര്‍ന്ന് ഭാര്യയെ വെട്ടിയ സംഭവത്തില്‍ ഭര്‍ത്താവ് അറസ്റ്റില്‍.ആണ്ടിപ്പെട്ടി സ്വദേശി മദന്‍കുമാര്‍ ആണ് അറസ്റ്റിലായത്.ഉപ്പുതറ പൊലീസാണ് മദന്‍കുമാറിനെ അറസ്റ്റ് ചെയ്തത്.
അയ്യപ്പന്‍കോവില്‍ ചിന്ന സുല്‍ത്താനിയ കോളനിയില്‍ മണികണ്ഠന്റെ മകള്‍ ശരണ്യ (23)യ്‌ക്കാണ് വെട്ടേറ്റത്.മദന്‍കുമാറിന്റെ ഉപദ്രവം സഹിക്കാതെ വന്നതിനാല്‍ നാലു ദിവസം മുന്‍പ് ശരണ്യയെ അച്ഛന്‍ വീട്ടിലേക്ക് കൂട്ടിക്കൊണ്ടു വന്നിരുന്നു.
ശനിയാഴ്ച രാവിലെ സുല്‍ത്താനിയായില്‍ എത്തിയ മദന്‍ കുമാര്‍ കൂടെ വരണമെന്ന് ശരണ്യയോട് ആവശ്യപ്പെട്ടു. തുടര്‍ന്ന് തര്‍ക്കത്തിനിടെ മദന്‍കുമാര്‍ കൈവശം കരുതിയിരുന്ന അരിവാള്‍ ഉപയോഗിച്ച് ശരണ്യയെ വെട്ടി. പരിക്കേറ്റ ശരണ്യയെ കട്ടപ്പന താലൂക്ക് ആശുപത്രിയില്‍ പ്രവേശിപ്പിച്ചു.
