വാഷിംഗ്ടൺ : ശരിയ നിയമവും ‘ശരീഅ നഗരങ്ങൾ’ എന്ന പ്രഖ്യാപനവും നിരോധിച്ച് ടെക്സസ് ഗവർണർ . യുഎസ്എയിലെ ടെക്സസിൽ, ഗവർണർ ടെഡ് ആബട്ടാണ് എല്ലാ ശരിയ നിയമങ്ങളും ശരിയ അനുസരിച്ചുള്ള നഗരങ്ങളുടെയും പട്ടണങ്ങളുടെയും പ്രഖ്യാപനവും നിരോധിച്ചത്.
സെപ്റ്റംബർ 8 ന് അബോട്ടിന്റെ ഓഫീസ് ഇത് പ്രഖ്യാപിക്കുന്ന ഒരു പോസ്റ്റ് പങ്ക് വയ്‌ക്കുകയും ചെയ്തു . 2010 മുതൽ യുഎസ്എയിലെ 18 സംസ്ഥാനങ്ങൾ ശരിയ നിയമങ്ങൾ നിരോധിക്കാൻ ഉത്തരവിട്ടതിനു തുല്യമാണ് പുതിയ നീക്കവും.
‘ ടെക്സസിൽ ശരിയ നിയമവും ശരിയ സംയുക്തങ്ങളും നിരോധിക്കുന്ന നിയമങ്ങളിൽ ഞാൻ ഒപ്പിട്ടു. ഇതുപോലുള്ള വിഡ്ഢികളെ ഒരു ബിസിനസ്സും ഒരു വ്യക്തിയും ഭയപ്പെടരുത്.ഈ വ്യക്തിയോ മറ്റാരെങ്കിലുമോ ശരിയ പാലിക്കൽ ഏർപ്പെടുത്താൻ ശ്രമിച്ചാൽ, അത് തദ്ദേശ നിയമ നിർവ്വഹണ ഏജൻസിയെയോ ടെക്സസ് പൊതു സുരക്ഷാ വകുപ്പിനെയോ അറിയിക്കുക‘ എന്നാണ് ടെക്സസ് ഗവർണറുടെ പോസ്റ്റ്.
ടെക്സസിലെ ഹൂസ്റ്റണിലുള്ള ഒരു ഇമാം മദ്യം, പന്നിയിറച്ചി, ലോട്ടറി ടിക്കറ്റുകൾ എന്നിവ ഇസ്ലാമിൽ ‘ഹറാം’ ആയതിനാൽ അവ വിൽക്കരുതെന്ന് ഉച്ചഭാഷിണിയിലൂടെ പ്രഖ്യാപിച്ചിരുന്നു. ഇതിന്റെ വീഡിയോയ്‌ക്കും വാർത്തയ്‌ക്കും തൊട്ടുപിന്നാലെയാണ് അബട്ടിന്റെ വിലക്ക് വന്നത്.
ടെക്സസിൽ, എല്ലാ പുരുഷന്മാർക്കും സ്ത്രീകൾക്കും കുട്ടികൾക്കും നിയമപ്രകാരം തുല്യാവകാശങ്ങളിൽ ഞങ്ങൾ വിശ്വസിക്കുന്നു. മനുഷ്യാവകാശങ്ങൾ ലംഘിക്കുന്ന ഏതൊരു നിയമവ്യവസ്ഥയും ടെക്സസ് സംസ്ഥാനത്ത് നിരോധിച്ചിരിക്കുന്നു – എന്നും അബോട്ടിന്റെ ഓഫീസ് പറയുന്നു.
