തിരുവനന്തപുരം: രാജ്ഭവനില് ഭരണഘടനാ ശില്പി ഭീം റാവു അംബേദ്കറുടെ ചിത്രം ഇല്ല എന്ന കുറവ് ഗവര്ണര് രാജേന്ദ്ര വിശ്വനാഥ ആര്ലേക്കര് പരിഹരിക്കുന്നു. അംബേദ്കറുടെ പൂര്ണകായ ചിത്രം ഉടന് സ്ഥാനം പിടിക്കും. ഔപചാരികമായി ഔപചാരികമായി അനാച്ഛാദനം ചെയ്യാന്
് സുപ്രീം കോടതി ചീഫ് ജസ്റ്റിസ് ബി. ആര്. ഗവായിയെ ക്ഷണിച്ചും കഴിഞ്ഞു. രാജ്ഭവനില് കുറച്ചുകാലം ചിലവഴിക്കാനിടയായ വ്യക്തിയാണ് സുപ്രീം കോടതി ചീഫ് ജസ്റ്റിസ് ബി. ആര്. ഗവായ്. ഭൂഷണ് രാമകൃഷ്ണ ഗവായിയുടെ പിതാവ് ആര്.എസ്. ഗവായ് കേരളത്തില് ഗവര്ണര് ആയിരുന്നു- 2008 ജൂലായ് മുതല് 2011 സെപ്റ്റംബര് വരെ. ദാദാ സാഹിബ് ഗവായ് എന്നറിയപ്പെട്ടിരുന്ന അദ്ദേഹം അംബേദ്കര് പ്രസ്ഥാനത്തിന്റെ മുതിര്ന്ന നേതാവും റിപ്പബ്ലിക്കന് പാര്ട്ടിയുടെ സ്ഥാപകനും കൂടിയായിരുന്നു.
ശ്രീനാരായണ ഗുരുദേവന്റെയും സ്വാമി വിവേകാനന്ദന്റെയും സര്ദാര് വല്ലഭായി പട്ടേലിന്റെയും മറ്റും ചിത്രങ്ങളും രാജ്ഭവനിലെ സ്വീകരണമുറിയുടെ ചുവരുകളില് സ്ഥാപിച്ചിട്ടുണ്ട്. രാഷ്ട്ര പിതാവ് മഹാത്മാഗാന്ധി,രാഷ്ട്രപതി മുര്മ്മു, പ്രധാന മന്ത്രി മോദി എന്നിവരുടെ ചിത്രങ്ങള്, മറ്റെല്ലാ രാജ്ഭവനുകളിലുമെന്നതു പോലെ ഇവിടെയുണ്ട്.
അംബേദ്കറുടെ ചിത്രം വേണമെന്ന തീരുമാനം ഇപ്പോഴത്തെ ഗവര്ണര് രാജേന്ദ്ര ആര്ലേക്കറുടെതാണ്. അംബേദ്കറോട് അളവറ്റ ആദരവാണ് ഗവര്ണര് രാജേന്ദ്ര ആര്ലേക്കര്ക്ക്. രാജ്ഭവനില് ഭരണഘടനാ ശില്പിയുടെ ഒരു ചിത്രം പോലും ഇല്ലെന്നത് വല്ലാത്ത പോരായ്മയായി ഗവര്ണര് കാണുന്നു.
അംബേദ്കറിന്റെ ചിത്രം കൂടാതെ മുന് രാഷ്ട്രപതി കെ. ആര്. നാരായണന്റെ പ്രതിമയും രാജ്ഭവന്റെ പൂമുറ്റത്ത് തയ്യാറായിട്ടുണ്ട്. അത് അനാച്ഛാദനം ചെയ്യുന്നത് രാഷ്ട്രപതിയാണ്.
ഭാരത് മാതാനിന്റെ ചിത്രത്തിനൊപ്പം ഡോ ഹെഡ്ഗേവാര്. ഗുരുജി ഗോല്വള്ക്കര് എന്നിവരുടെ ചിത്രങ്ങള് ഗവര്ണറുടെ ഔദ്യോഗിക വസതിയിലും സ്ഥാപിച്ചിട്ടുണ്ട്.
രാജ്ഭവനില് അംബേദ്ക്കര് ഇല്ല, കുറവ് പരിഹരിച്ച് ആര്ലേക്കര്, പൂര്ണകായ ചിത്രം ചീഫ് ജസ്റ്റിസ് അനാച്ഛാദനം ചെയ്യും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.