തിരുവനന്തപുരം: തദ്ദേശ തിരഞ്ഞെടുപ്പിനുള്ള അന്തിമ വോട്ടര്പട്ടികയില് രണ്ട് കോടി 83 ലക്ഷം പേര്. 276 ട്രാന്സ് ജെന്ഡര് വോട്ടര്മാരും 2087 പ്രവാസി വോട്ടര്മാരും പട്ടികയിലുണ്ട്.
2020ലെ തദ്ദേശ തിരഞ്ഞെടുപ്പിനായി തയാറാക്കിയ അന്തിമ വോട്ടര് പട്ടികയില് 2,76,56,579 (2.76 കോടി) വോട്ടര്മാരുണ്ടായിരുന്നു. കഴിഞ്ഞ തദ്ദേശ തെരഞ്ഞെടുപ്പിനേക്കാള് 6,55,553 വോട്ടര്മാരുടെ വര്ധനവാണ് ഉളളത്.
വാര്ഡ് പുനര്വിഭജന ശേഷം പുതിയ വാര്ഡുകളിലെ പോളിംഗ് സ്റ്റേഷന് അടിസ്ഥാനത്തിലാണ് പുതുക്കിയ അന്തിമവോട്ടര് പട്ടിക തയാറാക്കിയത്. വോട്ടര്പട്ടികയില് പേരു ചേര്ക്കാന് 29,81,310 പുതിയ അപേക്ഷകരുണ്ടായിരുന്നു.പട്ടികയില് നിന്നും പേര് ഒഴിവാക്കുന്നതിന് ആകെ 4,88,024 ആപേക്ഷകളാണ് കിട്ടിയത്. ജനുവരി ഒന്നിനോ അതിന് മുന്പോ 18 വയസ് പൂര്ത്തിയായവരെ ഉള്പ്പെടുത്തിയാണ് പട്ടിക തയാറാക്കിയത്.
