ന്യൂയോര്‍ക്ക്: മറ്റുരാജ്യങ്ങള്‍ക്ക് അധിക തീരുവ നിശ്ചയിച്ച യുഎസ് പ്രസിഡന്റ് ഡൊണാള്‍ഡ് ട്രംപിന് തിരിച്ചടി. പ്രസിഡന്റ് ട്രംപ് ഇന്റര്‍നാഷണല്‍ എമര്‍ജന്‍സി ഇക്കണോമിക് പവേഴ്സ് ആക്ട് പ്രകാരം ചുമത്തിയ മിക്ക താരിഫുകളും നിയമവിരുദ്ധമാണെന്നാണ് യുഎസ് ഫെഡറല്‍ അപ്പീല്‍ കോടതി വിധിച്ചു. അവ ‘നിയമ വിരുദ്ധമായതിനാല്‍ അസാധുവാണ്’ എന്ന് കോടതി പ്രഖ്യാപിച്ചു. എന്നാല്‍ ഒക്ടോബര്‍ 14 വരെ വിധി പ്രാബല്യത്തില്‍ വരില്ല.
‘ഈ തീരുമാനം അമേരിക്കന്‍ ഐക്യനാടുകളെ അക്ഷരാര്‍ത്ഥത്തില്‍ നശിപ്പിക്കു’മെന്നാണ് ഇതേക്കുറിച്ച് ട്രംപ് പ്രതികരിച്ചത്.
അസാധാരണവും അസാധാരണവുമായ ഭീഷണികള്‍ക്കെതിരെ പ്രവര്‍ത്തിക്കാന്‍ പ്രസിഡന്റിന് അധികാരം നല്‍കുന്ന ഇന്റര്‍നാഷണല്‍ എമര്‍ജന്‍സി ഇക്കണോമിക് പവേഴ്സ് ആക്ട് പ്രകാരമാണ് ട്രംപ് താരിഫുകള്‍ വര്‍ദ്ധിപ്പിച്ചത്. എന്നാല്‍ അധിക താരിഫ് ചുമത്തുന്നത് പ്രസിഡന്റിന്റെ അധികാരപരിധിയില്‍ വരുന്നതല്ലെന്നും പാര്‍ലമെന്‌റാണ് നിശ്ചയിക്കേണ്ടതെന്നും കോടതി വ്യക്തമാക്കി.
