തിരുവനന്തപുരം: ജിഎസ്ടി നിരക്കുകള്‍ കുറയ്‌ക്കുന്നതിനെതിരെ ജിഎസ്ടി കൗണ്‍സില്‍ യോഗത്തില്‍ നിലപാടെടുക്കുമെന്ന് വ്യക്തമാക്കി ധനമന്ത്രി കെ. എന്‍. ബാലഗോപാല്‍. നിരക്കു കുറയ്‌ക്കുന്നത് ജനങ്ങള്‍ക്ക് ആശ്വാസമാകുമെങ്കിലും സംസ്ഥാനങ്ങളുടെ വരുമാനത്തില്‍ വന്‍ കുറവുണ്ടാകുമെന്നാണ് മന്ത്രിയുടെ വാദം. സെപ്റ്റംബര്‍ 3, 4 തിയതികളില്‍ നടക്കുന്ന ജിഎസ്ടി കൗണ്‍സില്‍ യോഗത്തില്‍ സംസ്ഥാനത്തിന്റെ ആശങ്കകള്‍ അറിയിക്കുമെന്നും മന്ത്രി വ്യക്തമാക്കി.
ഇപ്പോള്‍ മദ്യം, പെട്രോള്‍, ഡീസല്‍ എന്നിവയില്‍ മാത്രമാണ് സംസ്ഥാനങ്ങള്‍ക്ക് സ്വന്തം നികുതി പിരിക്കാനുള്ള അധികാരമുള്ളത്. അതിനാല്‍ വരുമാനം കുറഞ്ഞാല്‍ വികസന പ്രവര്‍ത്തനങ്ങളേയും ജനക്ഷേമ പദ്ധതികളേയും ബാധിക്കും. ജിഎസ്ടി നടപ്പാക്കിയപ്പോള്‍ ആദ്യ അഞ്ച് വര്‍ഷത്തേക്ക് 14 ശതമാനം വാര്‍ഷിക വളര്‍ച്ച ഉറപ്പാക്കുമെന്ന് നല്‍കിയിരുന്ന വാഗ്ദാനത്തിന്‌റെ കാലാവധി കഴിഞ്ഞ വര്‍ഷം അവസാനിച്ചു.
സംസ്ഥാനത്തെ ഇന്‍ഷുറന്‍സില്‍ 500 കോടിയും ഓട്ടോമൊബൈലില്‍ 1,100 മുതല്‍ 1,200 കോടിയും വൈറ്റ് ഗുഡ്സില്‍ 500 കോടിയും സിമന്റില്‍ 300 മുതല്‍ 500 കോടിയും വന്‍ വരുമാന നഷ്ടമുണ്ടാകുമെന്നാണ് കണക്ക്. സംസ്ഥാനത്തിന്റെ വരുമാനത്തിന്റെ 95 ശതമാനം വരെ ശമ്പളത്തിനും പെന്‍ഷനുമാണ് ചെലവഴിക്കുന്നത്.
ജിഎസ്ടി നിരക്കു കുറയ്ക്കുന്നതിനെ എതിര്‍ക്കുമെന്ന് ധനമന്ത്രി കെ. എന്‍. ബാലഗോപാല്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.