ഷൊര്‍ണൂര്‍: ഷൊര്‍ണൂരില്‍ നിന്നും നിലമ്പൂരിലേക്കുള്ള മെമു ട്രെയിന്‍ സര്‍വീസ് ആരംഭിച്ചു. ആദ്യ യാത്ര ഇന്നലെ രാത്രി 8.35ന് കേന്ദ്രമന്ത്രി ജോര്‍ജ് കുര്യന്‍ ഫ്‌ളാഗ് ഓഫ് ചെയ്തു. രാത്രി 10.05ന് നിലമ്പൂരിലെത്തും. തിരിച്ച് പുലര്‍ച്ചെ 3.40 ന് ഷൊര്‍ണൂരിലേക്ക് തിരിക്കും.
4.55ന് ഷൊര്‍ണൂരിലെത്തും. ഷൊര്‍ണൂര്‍ റെയില്‍വെ സ്റ്റേഷനിലെ ഒന്നാം പ്ലാറ്റ്‌ഫോമില്‍ നിന്നാണ് ട്രെയിന്‍ യാത്ര ആരംഭിച്ചത്. ചടങ്ങില്‍ ഡിജിഎം മധുകര്‍ റോട്ട്, ബിജെപി ദേശീയ നിര്‍വാഹക സമിതി അംഗം പി.കെ. കൃഷ്ണദാസ്, വി. കെ. ശ്രീകണ്ഠന്‍ എംപി, പി. മമ്മിക്കുട്ടി എംഎല്‍എ തുടങ്ങിയവര്‍ പങ്കെടുത്തു.
