കോട്ടയം : കോട്ടയത്ത് മുന് നഗരസഭാ ചെയര്മാന് അടക്കം ഏഴുപേരെ കടിച്ച തെരുവ് നായ്ക്ക് പേ വിഷബാധ സ്ഥിരീകരിച്ചതോടെ എല്ലാവരും പ്രതിരോധ കുത്തിവെപ്പ് എടുത്തു. മുന് നഗരസഭാ ചെയര്മാന് പി ജെ വര്ഗീസും റിട്ട. ഫയര് ഓഫീസറുമടക്കം ഏഴ് പേരെയാണ് കോട്ടയം നഗരത്തില് കഴിഞ്ഞ ദിവസം തെരുവു നായ കടിച്ചത്. നഗരസഭാ അധികൃതരും എബിസി സെന്റര് ജീവനക്കാരും ചേര്ന്ന് ഈ നായയെ പിടികൂടിയിരുന്നു. എന്നാല് അതു ചത്തതോടെ കടിയേറ്റവരും നാട്ടുകാരും ആശങ്കയിലായി. ഇതോടെയാണ് നായയുടെ ജഡം തിരുവല്ലയിലെ വെറ്റിനറി ആശുപത്രിയില് എത്തിച്ച് പോസ്റ്റ്മോര്ട്ടം നടത്തിയത്.
ഈ നായ മറ്റു നായ്ക്കളെ കടിച്ചിട്ടുണ്ടാകാനുള്ള സാധ്യത ഉള്ളതിനാല് അധികൃതര് ജാഗ്രതയിലാണ്.
കോട്ടയം നഗരസഭയുടെ മുന് ചെയര്മാന് പി ജെ വര്ഗീസ് , കാണക്കാരി സ്വദേശിയും റിട്ട ജില്ലാ ഫയര് ഓഫീസറുമായ വര്ഗീസ് , ടി ബി റോഡിലെ വിജെ ഫുട് വെയറിലെ ജീവനക്കാരന് ഷംനാസ്, പത്തനാട് സ്വദേശി സാജന് ജേക്കബ്, പനച്ചിക്കാട് സ്വദേശി സിബി തോമസ്, തെള്ളകം സ്വദേശി രാമചന്ദ്രന്, കായംകുളം സ്വദേശി മിഥുന് ബാബു തുടങ്ങിയവര്ക്കാണ് നായയുടെ കടിയേറ്റത്.
മുന് നഗരസഭാ ചെയര്മാന് അടക്കം ഏഴുപേരെ കടിച്ച തെരുവ് നായ്ക്ക് പേ വിഷബാധ സ്ഥിരീകരിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.