കോട്ടയം : ചങ്ങനാശേരിയില്‍ കെഎസ്യു-യൂത്ത് കോണ്‍ഗ്രസ് പ്രവര്‍ത്തകര്‍ തമ്മില്‍ തല്ലി.ചങ്ങനാശേരി എസ്ബി കോളേജ് യൂണിയന്‍ തെരഞ്ഞെടുപ്പില്‍ കെഎസ്യുവിന്റെ തോല്‍വിക്ക് പിന്നാലെയാണ് ഇത്.
ബ്ലോക്ക് കോണ്‍ഗ്രസ് കമ്മിറ്റി ഓഫീസിന് മുന്നില്‍ ആണ് പ്രവര്‍ത്തകര്‍ തമ്മില്‍ ഏറ്റുമുട്ടിയത്. യൂത്ത് കോണ്‍ഗ്രസ് ചങ്ങനാശേരി നിയോജകമണ്ഡലം പ്രസിഡന്റ് ഡെന്നീസ് ജോസഫിന്റെ നേതൃത്വത്തില്‍ യൂത്ത് കോണ്‍ഗ്രസ് പ്രവര്‍ത്തകരും കെഎസ്യു നിയോജകമണ്ഡലം പ്രസിഡന്റ് ജേക്കബ് ജോസഫ് നേതൃത്വത്തില്‍ കെഎസ്യു പ്രവര്‍ത്തകരുമാണ് ഏറ്റുമുട്ടിയത്.
സ്ഥാനാര്‍ഥി നിര്‍ണയം സംബന്ധിച്ച് തര്‍ക്കമുണ്ടായിരുന്നു. യുണിയന്‍ തിരഞ്ഞെടുപ്പില്‍ ജയിച്ചുവന്ന പ്രതിനിധികള്‍ ചെയര്‍മാന്‍ അടക്കം സ്ഥാനങ്ങളിലേക്ക് കൃത്യമായി വോട്ട് ചെയ്യാത്തതിനാലാണ് പരാജയപ്പെട്ടതെന്നാണ് പറയുന്നത്.ചങ്ങനാശേരി എസ്ബി കോളേജില്‍ കെഎസ്യുവിന് ശക്തമായ സ്വാധീനമാണുളളത്.
